Mareferensiya a txibhukwana txa mitshangano ya Mahanyelo a Wukristu
1-7 KA MARÇO
TITHOMBA TA MU KA DIPSWI DA TXIZIMU | MITENGO 7-8
“Hi gonda txani ngu wugovelo wa Vaisrayeli”
it-1525 ¶7
Msengeletano
Va emeli ava va nga ti ni wutixamuleli ka Vaisrayeli, mbimo yo tala va ti emela ditiko. (Ezr 10:14) Ngu nzila eyo, “vathangeli va tihunzu” va mahile miningelo msana kova va ti gwimbile ditenda da msengeletano. (Mit 7:1-11) Ngako, awu a nga xambanya ngu txixambanyo txa “malulamiselo o thembeka” ka masiku a Nehemiya i ti vaphaxeli, Valevhi ni “misungo ya ditiko.” (Neh 9:38–10:27) Mndani ka dipfhumba da Vaisrayeli mu txiwulani, ku ti ni “vathangeli va msengeletano, ava va nga txi dhanwa ka mtshangano, vavamna va nduma,” sekoko 250 va to ti tshanganisa ni Kora, Dhatani, Abhiramu ni Om, ve bhunga ku wukela Mosi ni Aroni. (Mit 16:1-3) Ngu kupfana ni wukongomisi wa txitimwi, Mosi a to sawula 70 wa madhota a va Vaisrayeli, i ngadi tinduna, kasi ve mvhuna kurwala “mthwalo wa ditiko,” awu a nga si wu koti ku wu rwala ekha. (Mit 11:16, 17, 24, 25) Levhi 4:15 a wombawomba ngu “madhota a msengeletano,” ati ti komba to va emeli va ditiko i di madhota a ditiko, misungo yawe, valamuli vawe ni tinduna tawe.—Mit 1:4, 16; Jos 23:2; 24:1.
it-2876 ¶3
Rubheni
Wugoveloni va Vaisrayeli, va ka Rubheni va ti randetwe ngu lixaka la ka Simiyoni ni la ka Gade, va ti maneka didhawa da wulambwe ka ditenda da msengeletano. Mbimo yi va nga ti tsimbila, mtxawa wa tixaka tiraru, awu wu thangelwako ngu Rubheni, wu txi londeta kuabaniswa ka mitxawa yiraru ya Judha, Isakari ni Zebhuloni. (Mit 2:10-16; 10:14-20) Ayiya i ti nzila ayi tixaka ti nga txi henjeleta mningelo ngu ditshiku da kuningelwa ka ditenda da mtshangano.—Mit 7:1, 2, 10-47.
w04 1/8 25 ¶1
Timhaka ta Hombe ta Mu ka Dibhuku da Mitengo
8:25, 26. Kasi kutsaniswa ti to kuningelwa ka mithumo ka Valevhi yi va ayi yi thumwako kwati ni kualakanyela ti tanga tawe, ku sungitwe to vavamna va i nga ti va hombe ngu tanga ve txhuswa ka mithumo ya sinziswa. Sekoko, vona va ndi na ti ningeta kuvhuneta vamwani Valevhi. Nyamsi wa ditshiku, hambiko vahuweleli va Mfumo va si humuliko, ditshina da mlayo wuwa da hi ninga gondo ya lisima. Loko Mkristu, ngu kona ha ka tanga yakwe, a si ngadi e sikota kuhetisa silaveko so kari, ene a na maha ati a nga ti kotako.
Tithomba ta moya
it-2717 ¶2
Matiwula, wo khata kuvelekwa
Ngako matiwula a vafana hagari ka Vaisrayeli ma ti ka mxaxamelo ya va va vhaletako va ndi na va va tinyumba to hambana-hambana, vona va txi emela ditiko dotshe. Ngu toneto Jehovha, a wombile ti to ditiko dotshe da Vaisrayeli ku “matiwula” akwe, di va ditiko dakwe da matiwula ngu mhaka ya txitumelelano txa Abrahamu. (Eks 4:22) Ngako a nga xayisa wutomi wawe, Jehovha a leletile to ‘otshe matiwula hagari ka vanana va ka Israyeli, matiwula a vathu mwendo a sihari otshe ngakwe’ ni ma sawulekisile. (Eks 13:2) Se vanana va matiwula a vafana va ti ningelwa ka Txizimu.
8-14 KA MARÇO
TITHOMBA TA MU KA DIPSWI DA TXIZIMU | MITENGO 9-10
“Jehovha a va thangelisa kutxani vathu vakwe”
it-1 39 ¶6
Wugovelo
Dipfhumba da wugovelo do khukha-khukha va txiya kumwani (40 wa makhalo aya gova ka vona aya ma nga wombwa ngu Mosi ka Mitengo 33) a txi i ti txikombiso txo xamalisa txa nzila yi va nga ti lulamisetwe ngu yona. Mbimo yi direfu di nga txi fenengeta ditenda da msengeletano, va txo zumba ka wukhalo wonewo. Loko direfu di txi khukha ni dona ni vona di txi khukha. “Va txi gova ngu kuleleta ka Jehovha ve khukha ngu kuleleta ka Jehovha.” (Mit 9:15-23) Kuvetwa ka mipundo yimbidi ya silivhela, , ku txi zivisa sileleto sa Jehovha ka wugovelo wotshe (Mit 10:2, 5, 6) Kuvetwa ka mpundo ngu mtamo ku txi txhamusela kurura ka wugovelo. Dikhambi do khata ti nga maheka ati i ti “ngu dilembe da wumbidi ngu [1512 AEC], mtxima wa wumbidi, ngu ditshiku da wu 20.” Ngako dibhokiso da txi tumelelano di ti masoni, ku txi khukha mtxawa wo khata wu nga ti abanisilwe ngu tixaka tiraru, ati ti nga ti thangelwa ngu Judha, kulondeta Isakari ngu msana Zebhuloni, i ti kona va khukhako. Va txi londetwa ngu vagersoni ni vamerari, vona va ti rwate so aka ngu sona ditenda da msengeletano a si va nga ningwa sona. Msana kwawe ku txi ta ku abaniswa ka mtxawa wa tixaka tiraru a ti ti thangelwako ngu Rubheni, ku londeta Simiyoni ni Gade. Ngu msana kwawe ku txi ta vakowati ni nyumba yo sawuleka, sekoko, ku txi ta ku abaniswa ka tixaka tiraru, i ku lixaka la Efrayimu li txi londetwa ngu va ka Manasi ni va ka Bhenjamini. Ngu magwito, akhe msana ku ti ni ku abaniswa aku thangelwako ngu Dhana, a va pangalatwako ngu Aser ni Naftali. Kasiku ku abaniswa ka kumbidi ku ku ni vathu vo tala ni va mtamo, ngu vona va ndi zumba masoni ni msana.—Mit 10:11-28.
w11 15/4 ¶4-5
Ina wa wona wufakazi wo thangelwa ngu Txizimu?
Ina hi nga tikombisisa kutxani to ha tsakela wukongomisi wa Txizimu? Mpostoli Paulo ati khene: “Engisanai vathangeli vanu, mi ti veka hahatshi.” (Vaheb 13:17) Mbimo yi mwani khati hehuki ku maha toneto. Ngu txikombiso: Hi nga tiveka ka wukhalo wa vaisrayeli ka mbimo ya Mosi. Alakanya u ti tshimbite mbimo yo lapha se direfu di txi ema. Di na teka mbimo muni di ti emite? Ditshiku di mwedo? Divhiki? Mitximanyana yo kari? Se awe u nga ti wotisa tiya: ‘Ina ta vhuna ku txhatxha mithwalo yango?’ Ku khata, ti nga maha u txhatxha a si u si lavako ngutu. Kambe msana ka masikunyana, u tikarate ngu ku hangunusela simaha sako, se ngu magwito u txhatxhelela sotshe. Se, msana ka ku u ti txhatxhete sotshe, direfu di khukha—se ti laveka to u si longela kambe ngu txi kuluveta! Eto ti si hehuki. Hambiketo, vaisrayeli va ti fanete ‘kukhukha ngu txikuluveta’.—Mit 9:17-22.
Se athu ko, hi angulisa ku txani hi txiamukela wukongomisi wa Txizimu? Ha wu thumisa ngu “ngu kuluveta”? Mwendo ho ti nja hi maha ngu nzila a yi hi nga ti yi tolovete? Ina ha tsimbitisana ni wukongomisi wa wupya, wo fana ni ku tsimbitisa sigondo sa Bhiblia, kutxhumayela va vathu va tako ngu ka makhalo mamwani va ku mu ka território yathu, kutsimbitisa wukhozeli wa mwaya mbimo yotshe, kuthumisana ni Tikomisawu to Wombawomba ni Sibhejela ni nzila yo tinola kwati hi ti mitshanganoni ya hombe? Nzila yi mwani yo kombisa ku bonga ka kongomiso wa Txizimu ngu tumela kulaywa. Masoni ka sisungo sa hombe kha hi thembi wutxhari wathu, kambe hi lava kongomiso wa Jehovha ni msengeletano wakwe. Ngako mwanana a lavako ku vhikelwa ngu va veleki ka moya wa hombe, anathu hi lava ku vhikelwa ngu msengeletano wa Jehovha ngako sikarato sa mafu, si txi hi xupha ni ku hi txika.
Tithomba ta moya
it-1236 ¶6
Msengeletano
Lisima la ku Sengeletana. Lisima la ku ti dila ngu malulamiselo a Jehovha o sengeletana kasi ku hi vhuneka ngu didhawa da moya, li kombiswa ngu ku va ni txi alakanyiso txa dilembe ni dilembe txa Pasika. Ngako mthu a di sawulekile ia si nga ku endani a txi leka kudya Pasika a ti fanete kudawa. (Mit 9:9-14) Mbimo yi Mkoma Ezekhiya a nga ramba va aki va Judha ni Israyeli ku ya Jerusalema ku ya maha Pasika madungula akwe ngu didhawa ma txi khene: “Vanana va ka israyeli, hundukani ka Mkoma. mi nga bangiseni tithamu tanu ku fana ni va tate vanu Kambe ningelani dianza danu ka Mkoma se mi wulela amu ka wukhalo wo sawuleka awu ene anga wu basisa ngu ha ku si gwitiko, mithumela Mkoma Txizimu txanu, kasi ku henya kwakwe ku hambuka kwanu. Mkoma, Txizimu txanu, txi ni wumbilo kha txi na mbi mi tshuralela ngaku mi txi tumela ka txona.” (2 Mak 30:6-9) Ngako mthu e thuka a si maneki ka txi alakaniso txiya hanyatxikwenye ati na wonwa i ti wu a tshuralelako Txizimu. Hambiko mibuso yo fana ni Pasika yi si mahwiko ngu makristu, Paulo a txharihisite to va si leki ku sengeletana mbimo yotshe, ngu ku atxi khene: “A hi laveni tinzila to vhunana hi txi tsaniselana a mu ka lirando ni ka mithumo yayinene, hi nga lekeni misengeletano yathu, nga vamwani va tolovelako ku maha, aniko ahi laveni tinzila to tsanisela yotshe mbimo ngutu ngutu ku mi wonako ditshiku da Mkoma di txi tshuketa.”—Vaheb 10:24, 25; veja CONGREGAÇÃO.
15-21 KA MARÇO
TITHOMBA TA MU KA DIPSWI DA TXIZIMU | MITENGO 11-12
“Ngu kutxani hi di fanete kuvayilela ngungurukela?”
w01 15/6 17 ¶20
Hi nga veni va engisi a va vadivalako
Mtalo wa makristu kha maweli ka ku tiñola ko biha ka ta mataho. Hambiketo, hi fanete ku tiwonela ka txiduko txo zumbela ku ngurangura, aku ku nga hi mhako hi si amukelwi ngu Txizimu. Paulo wa hi kawuka: “Hi nga dukeni Mkoma, nga vamwani [va israyeli] va nga mduka, se ngutoneto ve fa ngu ku lumetelwa ngu minyoka. Mi nga ngungurukeleni, nga ti va mwani kwawe va nga ngunguruka, se ve loviswa ngu mlovisi.” (1 Vakorinto 10:9, 10) Vaisrayeli va ngurangurete Mosi ni Aroni—futshi, va wukete Txizimu txipuneve sola mana a ya va nga ti ningilwe ngu nzila ya txidewukiso. (Mitengo 16:41; 21:5) Ina Jehovha kha henya ngutu ngu kungurangura kwawe ku pinda wugango wawe? Bhiblia yi womba to mtalo wa vangungurukeli wu datewe ngu minyoka. (Mitengo 21:6) Ka mbimo yi mwani va ngungurukeli vo pinda 14.700 wa vona va datwe. (Mitengo 16:49) Ngu toneto, hi nga dukeni kulaphisa mbilu ka Jehovha ngu eyisa malulamiselo akwe.
w06 15/7 15 ¶7
‘Ti xayiseni mi si ngungurukeli’
Vaisrayeli va txitxile mawonelo awe! Ku bonga kwawe ngu ku txhatxhiswa Egipta ni ku tshawunyetiswa linene lo Bhilivila ti va mahile ve embelelela wudhumo ka Jehovha. (Eksodha 15:1-21) Msana ka kwa mbi ti pfa kwati txiwulani ni dizowa da Vakanani, koneho, ku bonga ka vathu va Txizimu ku vhaletilwe ngu moya wa kwa mbi tsaka. Makhaloni o bonga Txizimu ngu ku txi nga txhatxha, vona va to txi ni nga mnando wo txa va tsivela. Ngu nzila eyo, ku ngungurukela i ti txikombiso txa kwa mbi kombisa ku bonga malulamiselo a Jehovha. I tisi nga msakano kuza Txizimu txitxi khene: “Kasi ngu yihi mbimo ni no gwita kutimisela ngu msengeletano wuwa wo biha nga tiya kani?”—Mitengo 14:27; 21:5.
it-199 ¶10
Dizunga
Kungungurukela. Ku ngungurukela ta thela dikhodho ni ku thavisa. Vaisrayeli, msana ka ku va ti humite Egipta, va ngungurukete Jehovha, ve sola wuthangeli awu a nga va ninga ngu ku thumisa malanda akwe Mosi ni Aroni. (Eks 16:2, 7) Ngu msana keto, kungungurukela kwawe ku mthete dikhodo Mosi, a ha koza e kombela ni ku fa. (Mit 11:13-15) Kungungurukela ku nga va nguze ya hombe ka wu a ngungurukelako. Jehovha a wonili a ti va va nga ti ngurangura va nga txi ti womba ngu Mosi, i ti ku lumbeta ko wukela ni wuthangeli wakwe apune wa txitimwi. (Mit 14:26-30) Mtalo wawe va luzeketwe ngu wutomi ngu kona hawa ko ngungurukela.
Tithomba ta moya
it-2278 ¶5
Manna
Txhamuselo. Manna i ti o “basa kufana ni timbewu ta kowentro” “ni ku nga bhidhelio,” bhidhelio, i ti ku nga nyeti yo wonekela, yi ku ni txiwumbeko txo nga dhayimana. Kutshamba ka sona i ti ku nga “txibhubhutela txa wulombe,” mwendo ku nga “dikhekhe do kanyangelwa ni mtona”. Msana ko magaya ka txigayo mwendo ku ma sinza ngu mu ka dithudi, ve ma bhika, mwendo ku maha mabholo yo yokwa.—Eks 16:23, 31; Mit 11:7, 8.
22-28 KA MARÇO
TITHOMBA TA MU KA DIPSWI DA TXIZIMU | MITENGO 13-14
“Likholo li hi maha hi va ni txibindi”
w06 1/10 16-17 ¶5-6
Va ve ni txibindi ngu kona ha ka likholo la ku thava Txizimu
Tixoli timbidi, Joxuwa ni Kalebhi, va ti navela ku bela Ditikoni da Txithembiso. Vakanani “va nava kudya kwathu”, ngu vona va nga womba eto. “Kha ku ngaho amu va no ya sisala kona nguko Mkoma ana ni nathu. Mi nga thave.” (Mitengo 14:9) Ina Joxuwa ni Kalebe i ti kova mapwembwe ako va nga ti ni themba kani? Lambi. Kumweko ni masalela a ditiko, vona va ti woni Jehovha a txi xowokisa Egipta wa mtamo ni sizimu sakwe, ngu Digumi da Mitungu. Msana keto va woni Jehovha a txi bhwabhwamelisa Faro ni dibuthu dakwe ka linenene lo Bhilivila. (Masalmo 136:15) Ti si pfali ti to tixoli ni Vaisrayeli vamwani veva ni dizowa. Ngu ku pandiseka ngutu, Jehovha a ti khene: “Vathu vava, vana ni nyenya ku kala yi hi mbimo kani?”.—Mitengo 14:11.
Jehovha a yi kongomile mhaka —dizowa da vathu di ti vekile ha kubasani to va si na likholo. Edo ditshuri, likholo ni txibindi mahasa si tsimbila kumweko, ngu koneho mpostoli Johani a bhate malungana ni yimbi ya moya a yi dibandza di yi lwako: “A txi txi xulako ditiko: ngu likholo lathu.” (1 Johani 5:4) Nyamsi wa ditshiku, Tifakazi ta Jehovha to pinda 6 wa timilioni ta kombisa likholo lo fana ni la Joxuwa ni Kalebi ngu ku txhumayela mahungo a manene a Mfumoa manene ngu Tifakazi ta Jehovha to pinda 6 wa ti miliyoni ti si nga ni mhaka ni ti to vathu va hombe, vaphya va ni mtamo mwendo ahim-him. Kha ngaho mlala ni wamweyo a nga si kotako ku malata dibuthu diya da mtamo ni txibindi.—Varoma 8:31.
Tithomba ta moya
it-1740 ¶1
Ditiko a di Txizimu txi nga ninga Israyeli
Ditiko a di Jehovha a nga ni nga va Israyeli i ti di nene ngutu. Mbimo si Mosi a nga ruma tixoli ku ya wona Ditiko da Txithembiso ni ku ya wona mihando ya dona, vona va wite ni makuwu, maromani, ni txizangwa txa mawuvha a txi i nga ti txa hombe va to txi hayeka ka ndonga vathu va mbidi ve pakata! Hambiko va nga tshumela ngu ku thava ngu ku pwata likholo, vona xawutile va txi: Ditiko da kona “di khulunga masi ni wulombe.”—Mit 13:23, 27.
29 KA MARÇO–4 KA ABRIL
TITHOMBA TA MU KA DIPSWI DA TXIZIMU | MITENGO 15-16
“Tiwonele ka moya wo tiguleta!”
w11 15/9 27 ¶12
Ina Jehovha waku ziva?
Mbimo si ditiko da Israyeli di nga ti nzilani yo kongoma Ditikoni da Txithembiso, Kora a woni to ku ti ni sihoheto ka malulamiselo a Txizimo. Sekoko, 250 wa vavamna va ndhuma va to ti tshanganisa nayo ngu txikongomelo txo ve maha ku txitxa ko kari. Kora ni va vamwani va ti tsaniseka to wuxaka wawe ni Txizimu wu ti tsani. Vona va to tshangana ni Mosi ni Aroni va txi kha vona: “Konkwa, ta dingana nguko wotshe msengeletano wu sawulekile, ni Mkoma aho hagari ka wona” (Mit 16:1-3) Hi nga wona ku ti themba ni ku ti guleta ko pinda mpimo! Mosi a to xamula Kora ni vangana vakwe: “Mkoma ana mi komba va i ku vathu vakwe.” (Lera Mitengo 16:5.) Mangwanani ka kona ni minova, Kora ni votshe a va va nga ti sengela navo ku wukela Mosi va fite.—Mit 16:31-35.
w11 15/9 27 ¶11
Ina Jehovha waku ziva?
Mosi ni Kora nzi kombiso sa ha ku basani ka mhaka yo kombisa txithavo ngu malulamiselo a Jehovha ni si sungo sakwe. Ma mahelo awe ma gwesile nzila ayi Jehovha a nga va wona ngu yona. Kora i ti mlevhi wa mukoati ene a ti ni malungelo a mangi. Malungelo oneyo matxi pata ku wonaku txhatxhiswa ka ditiko mbimo yi va nga tsawunyeta linene lo Bhilivila, kuseketela kwakwe ka txitxayiso txa Txizimu ka vaisrayeli va kwa mbi engisa va di mangoni kaka Sinayi ni ku sengela ku rwala dibhokiso da Txitumelelano. (Eks 32:26-29; Mit 3:30, 31) Ti ti komba to Kora avile wo thembeka ka Jehovha ngu malembe o tala, se ngu mhaka eyo, mtalo wa va Israyeli va nga ti dizumboni va ti m’xonipha ngutu.
Tithomba ta moya
w98 1/9 20 ¶1-2
Thangetisa silo sa lisima ngutu!
Jehovha a woni mhaka yi i ti ya hombe ngutu. “Se”, Bhiblia yi womba tiya, “MKOMA koko a to khene ka Mosi: ‘Eyo m’thu ti dingana ku e dawa.’” (Mitengo 15:35) Ngu kutxani Jehovha a ti henyile ngutu ngu tile wa mwamna wule a nga maha?
Vathu va ti ni mtxhanu wa masiku ni dimwedo ku ve ganga tikhuni, ni ku xayisa silaveko sawe sa sa kudya, siambalo ni ko zumba kona. Va ti fanete ku xayisa ditshiku da wu 7 ka silaveko sawe sa moya. Hambiko ti nga sa biha ku ganga tikhuni, kambe ti di bihile ku maha eto ngu ditshiku di nga xayiselwa wukhozeli wa Jehovha. Hambiko makristu ma si ngako hahatshi ka Mlayo wa Mosi, tximahakalo a txi txi hi gondisa ti to nyamsi hi fanete ku veka tximwani ni tximwani ka wukhalo wa txona, ina eto hi nga ditshuri?—Vafilipiya 1:10.
5-11 KA ABRIL
TITHOMBA TA MU KA DIPSWI DA TXIZIMU | MITENGO 17-19
“Ani . . . ni thomba yako”
w11 15/9 13 ¶9
Maha Jehovha Thomba Yako
Alakanya va levhi, a va va nga mbi amukela thomba ya ditiko. Ngako va nga thangelisa wukhozeli wo basa, vona va ti fanete ku themba Jehovha kasi va mana kuxayiswa kwawe. Ene a va gete tiya: “Ani ni thomba ya yako.” (Mit 18:20) Hambiko hi si thumiko ka di thepele di wonekako, nga vaphaxeli ni va levhi, hi nga eteta ku tiemisela kwawe, hi va ni themba yo Jehovha ana hi xavisa. Ku themba mtamo wa Jehovha wo hi xayisa ta laveka ngutu tatinene a ku hi wonaka masiku a magwito ma di hafuhi.—Mtu 13:17.
w11 15/9 7-8 ¶4
Jehovha i thoma yangu
Txiavelo txiya txi ti txhamusela txani ka Valevhi? Jehovha a wombile ti to i ti thomba yawe ngu mhaka yaku, wukhaloni wa ku ve amukela thomba ya mafu, va ni ngile txiavelo txa thumo wo sawuleka. Thomba yawe i ti ku ve va “va phaxeli va Jehovha”. (Jox 18:7) Mapswi a Mitengo 18:20 ma komba ti to eto kha ta va maha sisiwana ngu didawa da nyamani. (Lera Mitengo 18:19, 21, 24.) Ka Valevhi txawe i ti “txienge txa wugumi ka thomba yi mwani ni yimwani ya va Israyeli, ngu ku txitxana ni mthumo wawe”. Vona va txi amukela 10 wa tipursento ta siyalo sa va Israyeli ni ku anda ka sifuyo. Valevhi ni vona, va ndi na ningela ngu txienge txa wugumi, mwendo “txa sa sinene sawe”, ve seketela wuphaxeli. (Mit 18:25-29) Ka va phaxeli ku txi nigelwa “mningelo wotshe wo sawuleka” a wu vanana va ka Israyeli va nga txi ya ningela ka Txizimu wu khaloni wa wukhozeli. Ngu koneho, waphaxeli va ti ni txivangelo txo pfala txo themba ti to Jehovha ana va ninga a si va si vilelako.
Tithomba ta moya
g02 8/6 14 ¶2
Sawuti—dibhindu da Lisima
Sawuti i ti txikombiso txo tsanisa ni txa mbimo yo lapha. Ngu toneto, a muwa ka Bhiblia txitumelelano txa mbimo yo lapha txi txi dhanwa ku “txitumelelano txa sawuti,” a hawa madhawa mambidi ma mahako txitumelelano ma ndi na dya mndiwo wo thelwa sawuti, eto i ti txifungo txa txitumelelano. (Mitengo 18:19) Mlayo wa Mosi wu txi kurumeta to ku thelwa sawuti ka mhamba ayi yi nga ti ningelwa ha di gandeloni ka si ku komba to ku sina wukanganyisi mwendo so sina.
12-18 KA ABRIL
TITHOMBA TA MU KA DIPSWI DA TXIZIMU | MITENGO 20-21
“Vana wo thutha hambi u txi vhukwa”
Tsakisa Jehovha ngu kuva wo thutha 19 Hi na vayilela kumaha tiphazamo. Tshumela u alakanya mayelano ni Mosi. Kugumile magume a malembe i di wo thutha ni kutsakisa Jehovha. Kambe, msana ko va Vaisrayeli va di hetile 40 wa malembe va di txiwulani, Mosi a tandekile kukombisa kuthutha. Ndiyakwe, awu ti ku nga ngene a nga mu hulukisa Egipta se a ti fite e kekelwa Kadhesi. Vaisrayeli va tshumete ve vanga diguwa va txi khona va si xayiswi kha kwati. Ka dikhambi diya vathu va to “henyela Mosi” nguko va nga ti pwata mati. Hambiku Jehovha a nga ti ningile Mosi mtamo wo maha sidiwukiso ni ku Mosi a nga va mthangeli wamnene malembe o tala, vathu va womba-wombile kubiha. Phela va si vangi diguwa ngu mhaka ya mati dwe, kambe ni mayelano ni nene Mosi, va txi khona ngene a vangako ditora.—Mit 20:1-5, 9-11.
Tsakisa Jehovha ngu kuva wo thutha 20 Mosi a henyile ngutu ha ko za e mwalata ni kutiveka hahatshi kwakwe. Hambiku Jehovha a nga ti gete Mosi ti to e womba-womba ni dirigwi, Mosi a to bhongela vathu a txi khene a na maha txidiwukiso. Msana keto, a to peka dirigwi makhambi mabidi se mati me huma. Phazamo yakwe ya hombe nguko a nga henya e tshumela e tikulisa. (Mas 106:32, 33) Ka mbimonyana yoneyo dwe a nga mbi va wo thutha, ti mahile ti to a si tumelelwi kubela ka Ditiko da Txithembiso.—Mit 20:12.
Ka mhaka yiya, hi nga mana gondo ya lisima. Yo khata, mbimo yotshe ti lava hi simama hi xayisa mawonelo athu o thutha. Ngako hi txi thukha hi dhebhisanyana mawoko, hi nga thuka hi tikulisa hi womba-womba to huma nzilani. Ya wumbidi, ngako hi di jujekile msungo, ti lava hi lwa ngutu ti to hi va vo thutha hambi i di ti to ho xaniswa.
w09 1/9 19 ¶5
Mlamuli awu anga tsana ka ti i ku to lulama
Txo khata, Txizimu txi sa ruma Mosi ku ya womba womba ni vathu, hambi kuva lumbeta to sindaka milayo. Txa wumbidi, Mosi ni Aroni kha va mu ninga wudhumo Jehovha. Ene a ti khene: ‘Kha ma ni sawulekisa.’ (Ndimana ya 12) Mbimo yi va nga womba: “Hi na mi humisela mati,” Mosi a womba wombile nga o va ene ni Aroni va nga maha malulamiselo o ningela mati ngu txidiwukiso, i singa Txizimu. Txa wuraru, ku lamula a kuwa ku txi fana ni ku lamula ku mwani ka Txizimu. Ene kha tumela to txitukulwana tximwani txa va wukeli txi bela Kanani, ngu hawa ku fanako a mahile to Mosi ni Aroni ni vona va si beli. (Mitengo 14:22, 23) Txa wu mune, Mosi ni Aroni i ti vathangeli va Israyeli. Ka Txizimu mthu a ku ni malungelo a mangi, Txizimu txi emete to tala kwakwe.—Luka 12:48.
Tithomba ta moya
w14 15/6 26 ¶12
Ina u wona ku tandeka ka vathu nga ti Jehovha a ku wonisako tona?
Ka txiemo tximwani ni tximwani, Jehovha a ti tekete ku mtsayisa Aroni koneho. Kambe ene a txi ti ziva to Aroni i ti si nga bihi mwendo kuva a ti ni mnando. Ti ti komba to Aroni a to tumelela ku kuzetwa ngu txiemo mwendo ku kurumetwa ngu vathu vamwani. Kambe, mbimo si a nga tumbula tiphazamo takwe, ngu txikuluveta ene a tumete kulamula ka Jehovha. (Eks 32:26; Mit 12:11; 20:23) Jehovha a woni ti di tshuko ku wona likholo ni ku tisola ka Aroni. Malembe o tala msana keto, Aroni ni lixaka lakwe va ti ngati va txi alakanywa kota vathu va nga ti thava Jehovha.—Mas 115:10-12; 135:19, 20.
19-25 KA ABRIL
TITHOMBA TA MU KA DIPSWI DA TXIZIMU | MITENGO 22-24
“Jehovha a txixisile txiruko ngu makatekwa”
bt 53-55 ¶5
Txhumayela “Mahungu a Manene ngu Jesu”
Nyamsi, kufana ni mbimo ya vapostoli, kuxanisa vathu va Txizimu kha ku sikoti kuva malata ku txhumayela. Ka sikhati sasingi, ku kurumeta makristu to me txitxa a mu ma zumbako kona—mwendo ku ma beta jele—eto to ma vhuna ku hangalasa mahungu a Mfumo ka vathu va ku ka makhalo oneyo. Ngu txikombiso, ka Yimbi ya Wumbidi ya Mafu Otshe, Tifakazi ta Jehovha tiningete wufakazi wa hombe ka ma khalo a ku xaniswa a va Nazi. Mjudha a wu a nga ziva Tifakazi ta Jehovha ka ma ka makhalo oneyo, a ti khene: “Mtamo wa mahanyelo a si botxhwa a si i nga ti Tifakazi ta Jehovha makholwisite to likholo a li ti nga ti nalo li tiseketetwe a mu ka Mibhalo, ngu magwito a nani ni vite Fakazi.”
it-2247 ¶3
Kuxanga
Kuxanga ko Wukela Jehovha. Mprofeti Bhalahamu ngu wu phukuphuku a txi ti lava ku profeta e wukela Israyeli, ka si ku amakela male ya Mkoma Bhalaki, wa va mowabi, aniko Jehovha a to hundula e tsivela ku tikarata kwakwe. Mpostoli Pedro a bhate mayelana ni Bhalahamu, a txi “bongola ya txiduma yi womba wombile ngu dipswi do nga m’thu, se yi txi malata wubhambani wa mprofeti”. Mayelana ni wubhambani wa Bhahalamu, mpostoli a thumisile dipswi da Txigriki pa·ra·fro·ní·a, a di di ku ni malakanyo “kwambi pima”.—2 Ped 2:15, 16; Mit 22:26-31.
Tithomba ta moya
w04 1/8 27 ¶2
Timhaka ta hombe da Dibhuku da Mitengo
22:20-22—Ngu kona hawa ka txani Jehovha a ti henyete Bhalahamu? Jehovha a ti gete mprofeti Bhalahamu to a si mahi to biha ka Vaisrayeli. (Mitengo 22:12) Nguko, mprofeti a tsute ni vavamna va Bhalaki va di tiemisete ku ya maha to biha. Aniko, Bhalahamu a txi lava ku tsakisa Mkoma wa -Mowabhi kasi ku e ningwa txhatxhazelo. (2 Pedro 2:15, 16; Judha 11) Hambiko a nga mbi maha to biha ka Vaisrayeli, wukhaloni keto a lavite ku kutsakelwa ngu mkoma ngu ku va vasikati a va va nga txi khozela Bhahali va ndi na thumiswa ku xenga vavamna Vaisrayeli. (Mitengo 31:15, 16) Ngu toneto Txizimu txi henyete Bhalahamu ngu ku anga tikulisa.
26 KA ABRIL-2 KA MAIO
TITHOMBA TA MU KA DIPSWI DA TXIZIMU | MITENGO 25-26
“Ina m’thu a nga txitxa?”
lvs 118 ¶1-2
“Vana kule ni ku ti ñola ko biha ngu ta mataho!”
MDOTI a dota ka mati a ya a zivako to lixaka muni la sihaka a si a si lavako. Ene a sawula kwati dixhukwa e vekela ka tximemba se e rinza matini. Nguku laphisa mbilo, ene wa rinzela to txihaka txi kota ku dya dixhukwa. Ngaku eto ti txi maheka, mdoti wa ndinda mxhangwa e ñola txihaka.
Mbimo yi mwani, a ti ti fanako ta maheka ka vathu. Wona ngu ti ti nga maheka ngu va Israyeli. Va ti ha fuhi ni ku hoka ka Ditiko da Txithembiso, Vona va zumbile ngu mbimonyana hafuhi ni Mowabi. Mkoma wa Mowabi a thembisile ku ninga male ya yingi wa mwamna a wu a danwako ku Bhalahamu ti to e mahela to biha Vaisrayeli. Ngako a nga mbi ti kota, Bhalahamu a mani pulani yo Vaisrayeli ve maha to biha hagari kwawe vapune. Ene a thumisile vavasikati va Moabe kota txidhaneto. Vona va ti fanete kuya wugoveloni ka Vaisrayeli ve ya siha vavamna.—Mitengo 22:1-7; 31:15, 16; Mtuletelo 2:14.
lvs 119 ¶4
“Vana kule ni ku ti ñola ko biha ngu ta mataho!”
Ngu kona hawa ka txani Vaisrayeli va va va ti gohile? Nguko va to alakanya ku navela kwawe dwe ve divala tosthe ati Jehova a nga ti va mahete. Vaisrayeli va ti ni sivangelo sa singi so ve thembeka masoni ka Txizimu. Ngu wuxinji wa Jehovha, va si nga nga di sibotshwa sa Egipta, kha va nga otela ni nzala txiwulani se a kuwa va ti hafuhi ni Ditiko da Txithembiso. (Vahebheru 3:12) Hambiketo, vona va to txi ju ve ti ñola ngu nzila yo biha ngu ta mataho. Mpostoli Paulo a ti khene: “Hi nga ti ningeleni ka mithumo ya wugelezi nga ti vamwani ka vona va nga ti maha se ve wa.”—1 Vakorinto 10:8.
Tithomba ta moya
it-21108 ¶8;1109 ¶1-2
Mhwingano
Ku woneka ati to ku abaniselwa ka ditiko hagari da tixaka ku thangelwa ngu sivangelo simbidi: Wuyelo ya ku rindzwa ka tixolo ni wu hombe wa lixaka. Mbimo yimwani tixolo yi txi komba dwe ku mana mu kuku ni thomba ya ditiko a yi lixaka ni lixaka li no ningwa, a ti ya ti ndi no va thomba ka wukhalo wokari mwendo ditiko, to fana ni Wuphemba mwendo Wulambwe, kuya Wutxani mwendo Mswa ditambo, ku londeta tikasa ta libala, ni makhaloi a mimango. Magwito a ya mahumelelako ka xolo yoneyo ma khukhela ka Jehovha, ngu nzila eyo ma thumela ku tsivela txiluse ni mazunga hagari ka tixaka. (Mav 16:33) Ngu nzila yo neyo, Txizimu txi ndi na tsimbitisa timhaka ngu kuya ngu txiemo txa lixaka to ti txi tsimbitisana ni wuprofeti, wu wu nga wombwa ngu mveleki wawe Jakobe a ti hafuhi ni kufa a wu nga bhalwa amu ka Genesisi 49:1-33.
Msana ka ku rinzwa tixolo ti di kombile wukhalo wa lixaka lo kari, ku ti na laveka mipimo ya wukhalo ngu txi sekelo txa txivangelo txa wumbidi: madingano ni mwaya wa lona. “Mi na mana ditiko di na maha thomba yanu, madingano ni mimwaya yanu; ngu wungi wa kona, mina talelwa ngu ti thomba, eyo dikato di no wela kwakwe; madingano ni tihunzu ta va tate wanu, mi na teka tithomba.” (Mit 33:54) Txisungo txi txi nga txi mahwa ngu xolo mayelana ni ku komba wukhalo txi ndi na tsaniswa, kambe ti txi koteka ku txitxwa ngu ku ya ngu mpimo wa thomba. Ngu toneto, a ko ku nga womnwa ti to ditiko da Judha i ti da hombe ngutu, di hungutwe ngu di ningelwa lixaka la Simiyoni.—Jox 19:9.