Mba mani vangana vako ka internet?

Mngana ku wombwa “mthu a wu a pfanako ni mwani ngu matipfelo ni ku dhundana.” Ngu txikombiso, Jonatani ni Dhavhidha va vi te ni wungana wo tsana msana ko Dhavhidha e daya Goliya. (1 Sam 18:1) Mmwani ni mmwani atxi kombisa tifanelo a ti ti nga txi maha e dhundeka ka mmwani. Se wungana wo tsana wu seketetwe ka kuva u txi mziva kwati mthu eneyo. Ti to hi ziva mthu ti lava mbimo ni mizamo. Akuwa ta hehuka kumana “vangana” ka maredhes socias u txo nga dheketanyana basi. Nguku vathu vamwani va ti kota kutshurisela a ti va ti wombako, kutshurisela mifota yawe ti to ve wonwa ngu vamwani, se ta va hehukela kusisa a ti vona va ku tona. Nda tinene ku ‘hitipimela ti txita ka vangana’ va hi va sawulako ka internet. U nga thavi kulamba kumaha wungana a mu ka internet ni vathu va u si va ziviko, ngu kuthava ti to ti na gwesa nzila yi va tipfako ngu yona. Vamwani ngu ku wona tiphango ti ti kuho va woni i ti tshuku kwambi thumisa maredhes socias. Se ngako u txi sunga kuthumisa maredhes socias, ngu tihi ti u fanelako kualakanyisisa ngu tona?

XALELA VHIDHIYO YI YI KU TI WONELE MBIMO YI U THUMISAKO MAREDHES SOCIAIS, U GWITA U XAMULA SIWOTISO SIYA:

• 

  Ngu tihi ti u fanelako kualakanyisisa ngu tona u si se bhala mwendo ku veka mfota ka maredhes sociais?

• 

  Ngu kutxani u di fanete ku sawula vangana ka maredhes sociais ngu wutxhari?

• 

  Ngu kutxani u di fanete ku ti vekela sipimelo sa mbimo yi u yi hetako u di ka maredhes sociais?—Vaef 5:15, 16