MAHANYELO A WUKRISTU
Tsanisa likholo lako ka Dipswi da Txizimu
Dipswi da Txizimu di nga txitxa wutomi wathu. (Vaheb 4:12) Hambiketo, ti to hi wuyelwa ngu milayo, mkongomiso, ni sialakanyiso sa yona, ti lava hi tsaniseka ti to sona si huma ngu mu ka “dipswi da Txizimu.” (1 Vat 2:13) Hi nga li tsanisisa kutxani likholo lathu ka Bhiblia?
Lera tindima to kari ta Bhiblia ditshiku ni ditshiku. Mbimo yi u lerako wona txikombiso txa ti to Jehovha ngene a nga bhala Bhiblia. Ngu txikombiso, wona txialakanyiso atxi txi manekako amu ka dibhuku da Mavingu u tshumela u wona nzila yi wutxhari wonewo wu thumako ngu yona ka masiku a nyamsi.—Mav 13:20; 14:30.
Ti khatele gondo ya Bhiblia. Ziva kwati sikombiso asi si kholwisako ti to Bhiblia nja Txizimu. Ka Guia de Pesquisa para Testemunhas de Jeová, wona msungo mhaka awu wu ku: “A Bíblia” u ya ka txisungwana atxi ti ku: “Inspirada por Deus.” U nga tshumela u tsanisa ti to madungula a mu ka Bhiblia kha ma txitxi ngu kuxolisisa Apêndice A3 ka Tradução do Novo Mundo.
XALELELA VHIDHIYO AYI YI KU: NGU KUTXANI HI DI NI LIKHOLO KA . . . DIPSWI DA TXIZIMU, U GWITA U XAMULA SIWOTISO ASI SI LONDISELAKO:
Ati ti nga tumbulwa ka diseta da dithepele da Karnak, Egipta, ti engetelisa kutxani likholo lako ka Dipswi da Txizimu?
Hi tizivisa kutxani ti to didungula da mu ka Bhiblia kha da txitxa?
Kuhuluka ka Bhiblia ti ku kholwisisa kutxani ti to Bhiblia, Dipswi da Txizimu?—Lera Isaya 40:8