U nga maha txani ti to u wuyelwa ngu tigondo ta Bhiblia?
Kombela kugonda ni Fakazi ya Jehovha: Kombela kugondelwa ngu wu a nga kuninga dibhuku diya, mwendo kuprexera formulario ka site yathu ya jw.org, kasi ku u kombela gondo ya Bhiblia.
PARTE YO KHATA
Lera otshe maparagrafo, kupata ni siwotiso A). Tshumela u lera ni mibhalo ayi yi nga kombiswa yi junyatisako timhaka ta lisima B). Wona to mibhalo yimwani yi ta ku: “Lera.”
PARTE YA HAGARI
Mapswi o khata hahatshi ka Engetela wuzivi wako ma womba ati ku no bhulwa ngu tona C). Masubhititulo D) ma ningela makhato a timhaka ta hombe. Lera mibhalo, u xamula siwotiso ni kuxalela mavhidhio E).
Wonisisa mifota ni titxhamuselo ta yona F), ni ku alakanyisisa ngu ti to u na xamulisa kutxani ka parte ayi yi ku: Ngako vathu va txi khona G).
PARTE YO GWITA
Wuseta ati u nga gonda ka Ati hi nga ti wona ni ka Ngu tihi ti u nga ti gonda, ni kubhala ditshiku adi u nga heta ngu dona gondo H). U na mana mawonelo ati u nga timahako ka U nga maha tiya I). Ka Xota timwani J) u na mana timhaka tatingi ati u nga ti lerako mwendo kuxalela ngako u txi lava kugonda to tala.
U nga ma manisa kutxani mavhersikulo
U khata ngu kumana Dibhuku A), u gwita u mana ndima B), se u mana vhersikulo mwendo mavhersikulo C). Ngu txikombiso: Johani 17:3 kuwombwa dibhuku da Johani, ndima 17, vhersikulo 3.