NZILA YO XULA TXITRESE
U nga ta hanya u singa ni txitrese
Wutxhari wa mu ka Bhiblia wu nga hi vhuna kuhungula txitrese. Hi nge sikoti kugumisa txitrese hipune. Kambe M’vangi wathu a nga sikota. Phela ene se a vekile m’thu wu a no hi lwela. M’thu wa kona i Jesu Kristu. Ene a na maha timhaka to xamalisa ha mafuni kotshe to pinda ati a nga maha mbimo yi a nga ti ha mafuni. Ngu txikombiso:
JESU A NA HANYISA VALWALI NGA TI A NGA MAHISA TONA KALE.
“Ve va tisa kwakwe votshe va va nga ti lwala ngu mipando yihi ni yihi . . . ; se ene a txi va hanyisa votshe.” —MATEWU 4:24.
JESU A NA NINGA VOTSHE MITI NI SAKUDYA.
“Se va na [ava va no fumwa ngu Kristu] aka tinyumba, ve zumba ka tona; va na phaya mivhinya, ve dya mihando ya kona. Kha va na mbi akela kuva txi ta zumba vamwani, kha va na mbi phayela ku si ta dyiwa ngu vamwani.”—ISAYA 65:21, 22.
MFUMO WA JESU WU NA TISA KUDIKHA NI KUKHALISEKA.
“Kudikha ni kululama si na tale kufumani kwakwe si na simame si diho, mtxima wu txi ngadi wu woninga! Ene a na fume kukhukhela ka limbe linene kala ka limwani, kukhukhukhela ka mnambo wa Ewufrate kala magemeta mitshi ka mafu. . . . Valala vakwe va na ti wisa ha mafuni masoni kwakwe!”—MASALMO 72:7-9.
JESU A NA GUMISA WUBIHI.
“A nava ni wumbilu ka va vo ti veka hahatshi a na hanyisa muhefemulo wa sikulungu. A nava hulukisa wukhumbini ni kuxaniswani.”—MASALMO 72:13, 14.
PHELA JESU A NA GUMISA KUXANISEKA NI LIFO.
“Kha ku nambi swa ku txi maneka kambe lifo, hambi kudila, hambi tihuwa, hambi kupandiseka.”—MTULETELO 21:4.