Txiwuletiso txa txienge 7

Ka txienge txiya hi na womba-womba ngu matimu a Mkoma Sawule ni Mkoma Dhavhidha, a ya ma nga teka 80 wa malembe. Sawule i ti m’thu wamnene ni ku a txi engisa Jehovha, kambe ngu kutsimbila ka mbimo ene a txitxile e leka kuengisa Jehovha. Se Jehovha a rumile Samuwele kasiku e ya sawula Dhavhidha kasiku e va mkoma wa Israyeli. Sawule a txi m’bavela ngutu Dhavhidha ni ku makhambi amangi, a zamile ku m’daya, kambe Dhavhidha kha lava kuphota. Mwanana wa Sawule, Jonatani, a txi ti ziva ti to Dhavhidha a ti sawutwe ngu Jehovha, ngu toneto, ene mbimo yotshe a ti thembekile ka Dhavhidha. Dhavhidha a mahile sionho sa hombe, kambe a tumete kukawukwa ngu Jehovha. Ngaku u di mveleki, vhuna mwanana wako kuwona lisima lo engisa ni kuthembeka ka Jehovha ni ka vathu ava a va thumisako kasi ku hi khatalela.