Txiwuletiso txa txienge 8

Ka matimu a ya ma londiselako hi na wona ti to Jehovha a ningile wuzivi wa wungi Solomoni ni ku a mlekile e aka dithempele. Kambe kudotho-kudotho, Solomoni a yite e leka kukhozela Jehovha. Ngaku u di mveleki, txhamusela mwanana wako nzila yi vathu ava va nga txi khozela sizimu sa makuho, va nga kuzetela ngu yona Solomoni ti to e leka kukhozela Jehovha. Hi na tshumela hi wona ti to mfumo wa Israyeli wu abanekile wu va mifumo yimbidi. Ni ti to vakoma vo biha va mahile ti to vathu ve khozela sizimu sa makuho. Kudingana mbimo yoneyo, vaprofeti vavangi vo thembeka va Jehovha, va xanisilwe ni kudawa. Mkoma wa txisikati Jezabheli, a mahile ti to wukoma wa 10 wa tihunzu, wu bela ka wukhozeli wa makuho. Ku ve mbimo yo karata ngutu ka Vaisrayeli. Kambe Vaisrayeli vamwani vo fana ni mkoma Josafati ni mprofeti Elija, va simamile va di thembekile ka Jehovha.