Txiwuletiso txa txienge 11

Ka txienge txiya, hi na womba-womba ngu matimu a Mibhalo ya Txigriki ya Wukristu. Hi na gonda to tala mayelano ni Jesu. Ene a veleketwe ka mwaya wu i nga ti sisiwana ni ku a txi zumba ka txidhoropana txa txidotho. A txi vata mapulango ni tate wakwe. Jesu a sawutwe ngu Jehovha kasi ku e hulukisa vathu ni kuva Mkoma wa Mfumo wa Txizimu. Ngaku u di mveleki, vhuna mwanana wako kupfisisa nzila yi Jehovha a nga sawula ngu yona mwaya wa wunene kasiku Jesu e ta velekelwa ka wona. Kombisa nzila yi Jehovha a nga vhikela ngu yona Jesu kasiku a si dawi ngu Herodha. Ni ti to kha txi ngaho atxi txi nga tsivelako Jehovha kumaha ati a ti lavako. Hi na tshumela hi gonda nzila yi Jehovha a nga thumisa ngu yona Johani kasiku e gela vathu ngu kuta ka Jesu. Kombisa ti to Jesu a txi ninga lisima wuzivi awu wu nga txita ngu ka Jehovha hambi mbimo yi i nga di ngadi mwanana.