Dipredhiyo da Bhabheli

Msana ka ndambi, vanana va Nowa va vite ni vanana vavangi. Ngu kutsimbila ka mbimo, timwaya tawe ti yite ti engeteleka. Se nga ha Jehovha a nga ti va gete ngu kona, vona va tiya zumba ka makhalo o hambanelana hamafuni.

Kambe timwaya timwani kha ta lava kuengisa Jehovha. Tona ti di khene: ‘Athu kha hi lavi kuhambana, hi na zumba hotshethu kona hawa. Ahi maheni didhoropa, hi aka dipredhiyo do lapha do hoka ni nzumani. Se athu hi na ziwa ngutu.’

Jehovha kha ti tsakela toneto. Wa tiziva ti to a mahile txani? Jehovha a mahile ti to vathu vale ve womba-womba tidimi to hambana. Ngu toneto, aku vathu vale va nga si pfisisani, va lekile kuaka. Se didhoropa dile di dhanwi ku i Bhabheli ati ti wombako ku “vhilinganya.” Ngu msana vathu va tiya zumba ka makhalo o hambanelana nga ti Jehovha a nga txi ti lavisa tona. Kambe vona va simamile ve maha timhaka to biha. Ina ku ti ni va va nga txi dhunda Jehovha? Ahi ti wone ka gondo ayi yi londiselako.