GONDO 25

Ngu txihi txikongomelo txa Txizimu ngu vathu?

Dibhuku do ganjwa

Bhiblia yi womba ti to masiku a wutomi wa vathu “madotho, kambe ma tate ngu sikarato.” (Jobe 14:1) Ina ewo ngu wona wutomi awu Txizimu txi nga ti lava ti to hi va nawo? I ti txihi txikongomelo txa Txizimu mbimo yi txi nga vanga vathu? Ina txikongomelo txonetxo txi na hetiseka? Na themba to u na tsakela kupfa tixamulo ta siwotiso siya amu ka Bhiblia.

1. Jehovha a lava to hi va ni wutomi wo zumbisa kutxani?

Jehovha a lava ti to hi va ni wutomi wo tsakisa. Mbimo yi a nga vanga mafu, a vekile vathu vo khata i ku Adhamu ni Evha ka paradhise yo tshura i ku jaradhi ka Edheni. Msana keto, “Txizimu txi to va katekisa, txi va gela ku kha txona: ‘Velekelani mi txi anda, mi tala ha mafuni, mi txi ma fuma.’” (Genesisi 1:28) Jehovha a txi lava ti to ve va ni vanana ni kumaha mafu me va paradhise ni kukhatalela sihari. Kudhunda kwakwe i ti ku vathu votshe ve va ni wutomi wa wunene ni kuhanya ngu ha ku si gumiko.

Ditshuri ti to timhaka kha ta tsimbila nga ti Txizimu txi nga ti ti lavisa tonaa, kambe makungo a txona kha ma txitxa. (Isaya 46:10, 11) Txizimu txi ngadi txi txi ti lava ti to vathu ava va engisako ve hanya ngu ha ku si gumiko ni kuva ni wutomi wo hetiseka.—Lera Mtuletelo 21:3, 4.

2. Hi nga wu manisa kutxani wutomi wo tsakisa konkuwa?

Jehovha a hi vangile hi di “sisiwana moyani [txilaveko txa moya, NM]” i ku minavelo yo mziva ni ku mkhozela. (Lera Matewu 5:3-6.) Ene a lava ti to hi va ni wungana wo tsana nayo, hi “londeta totshe tinzila takwe, [hi] mranda, ni ku mthumela “ngu yotshe mbilu.” (Dhewuteronome 10:12; Masalmo 25:14) Hi txi maha eto hi nava ni litsako la ditshuri hambi hi txi manana ni sikarato. Kukhozela Jehovha ti hi maha hi va ni wutomi awu wu ku ni txikongomelo.

ENGETELA WUZIVI WAKO

Gonda ngu lirando la hombe ali Jehovha a nga li kombisa mbimo yi a nga vanga mafu. Tshumela u wona a ti Bhiblia yi ti gondisako mayelano ni txikongomelo txa wutomi.

Adhamu ni Evha va txi wona jaradhi yawe yo tshura ya Edheni aha ku ku ni sihari ni mihando.

3. Jehovha a lava ti to vathu ve va ni wutomi wo tsakisa

Xalela VHIDHIYO, mi gwita mi bhula ngu txiwotiso atxi txi londiselako.

VHIDHIYO: Ngu kutxani Jehovha a di mahile mafu?—Txienge (1:41)

Ngu kutxani Jehovha a di mahile mafu awa o tshura?

Lera Ekleziyaste 3:11, mi gwita mi bhula ngu txiwotiso txiya:

Atiya ti ku gondisa txani ngu Jehovha?

4. Makungo a Jehovha ngu vathu kha ma txitxa

Lera Masalmo 37:11, 29 ni Isaya 55:11, mi bhula ngu txiwotiso txiya:

Hi ti zivisa kutxani ti to makungo a Jehovha ngu vathu kha ma txitxa?

A. Mti awu wu nga onhekela. Maxapa ma gwawukete, majanela ma fayekete, kasi mtendela wu tate ngu nzokoro. — Nyumba yi yi si khatalelwiko, yi nga wusetwa. Ngu ha kufanako, mafu kha ma khatalelwi kwati ngu vathu, se Jehovha a na ma wuseta kasiku kuzumba vathu vale va m’dhundako

B. Mti wonewo wa wumwewo wu di wusetilwe, wu tshurile wu tshumela wu tshurisa ni wukhalo. — Nyumba yi yi si khatalelwiko, yi nga wusetwa. Ngu ha kufanako, mafu kha ma khatalelwi kwati ngu vathu, se Jehovha a na ma wuseta kasiku kuzumba vathu vale va m’dhundako

5. Kukhozela Jehovha ti maha wutomi wathu wuva ni txikongomelo

Kuziva txikongomelo txa wutomi ti nga hi ninga litsako. Xalela VHIDHIYO, mi gwita mi bhula ngu txiwotiso atxi txi londiselako.

VHIDHIYO: Ni mani txikongomelo txa wutomi (5:03)

Wutomi wa Terumi wu txitxile ngu nzila yihi msana ko va a di gondile ngu txikongomelo txa wutomi?

Lera Ekleziyaste 12:13, mi gwita mi bhula ngu txiwotiso txiya:

Hi nga kombisisa kutxani kubonga ka totshe ati Jehovha a hi mahelako tona?

NGAKO VAMWANI VA TXI WOTISA VA TXI: “Ngu txihi txikongomelo txa wutomi?”

U nga xamulisa kutxani?

ATI HI NGA TI WONA

Jehovha a lava ti to hi hanya ngu ha ku si ngako ni magwito, ni kuva ni wutomi wo hetiseka. Ngako hi txi khozela Jehovha ngu mbilu yathu yotshe hi nava ni wutomi awu wu ku ni txikongomelo kukhukhela konkuwa.