Kombisa txibindi

Ati Jesu a nga ti maha

VIDEO: Jesu a txi ningela sileleto ka dijaha do ganya

1. Wona VHIDHIYO, mwendo kulera Marku 10:17-22. U gwita u alakanyisisa ngu siwotiso siya:

1. Ngu tihi ti Jesu a nga vako a di ti woni ka dijaha dile do ganya?

2. Ngu kutxani ti lavile ku Jesu e kombisa lirando ni txibindi kasi e vhuna dijaha dile?

Hi gonda txani ka txikombiso txa Jesu?

2. Hi fanete kuningela sileleto ngu lirando kambe hi si jika-jiki kasiku hi vhuna sigondo sathu si kulisa wuxaka wa sona ni Jehovha.

Etetela Jesu

3. Vhuna txigondo txako ti to txi ti vekela makungo a moya ni ku ma hokelela.

1. Thumisa aha ku ku “U nga maha tiya” ka gondo yimwani ni yimwani ya dibhuku di di ku Hanya wutomi wo tsakisa kala kupinduka!

2. Vhuna txigondo txako txi wona ati txi nga ti kotako kumaha ka makungo a txona ngu mbimo ya yidotho mwendo yo lapha.

3. Ndunduzela txigondo txako ngu ti txi ti kotako kumaha.

4. Tumbula sikarato asi si m’vhalelako ku e kulisa wuxaka wakwe ni Jehovha u tshumela u m’vhuna ku e xula sikarato soneso.

1. Tiwotise tiya:

   • ‘Nji txani txi tsivelako txigondo txangu ku txi kula txi hokela ko bhabhatiswa?’

   • ‘Ni nga txi vhunisa kutxani?’

2. Maha mkombelo wa ti to u mana txibindi txo bhula nayo u si jika-jiki ni ku ngu lirando txi gele ti txi fanelako ku ti maha.

5. Ema kugonda ni m’thu wu a si kombisiko kutxitxa.

1. Kasi kutumbula to awu u gondako nayo wa txitxa u nga tiwotisa tiya:

   • ‘Ina wa ti thumisa ati a ti gondako?’

   • ‘Ina wa xalela mitshangano ni kubhulela vamwani ati a ti gondako?’

   • ‘I di ti to a ni mbimo yo lapha a txi gonda, ina wa kombisa to wa ti lava kuva mmweyo wa Tifakazi ta Jehovha?’

2. Ngako txigondo txi si ti karateli kumaha kutxitxa:

   • Txi kombele txi pimisa ngu ti ti txi vhalelako kumaha kutxitxa.

   • Ngu wunene txi txhamusele to ngu kutxani mi txi ema kugonda.

   • M’gele ati a fanelako kumaha ngako a txi lava kutshumela e gonda.