Rura u ya ka wukhalo awu wu ku ni txilaveko txa hombe

Ti lava likholo kasi ku khukha a mu u zumbako kona ti to u ya a mu ku ku ni txilaveko kasi ku engetela mthumo wako wo txhumayela. (Vaheb 11:8-10) I di ti to u alakanya kururela a mu ku ku ni txilaveko txa hombe u nga bhulisana ni madhota. U nga maha txani ti to u ziva mtengo wa si si lavekako ni ku sawula wukhalo wa kona? Xola mabhuku a ya ma wombawombako ngu ku rurela a mu ku ku ni txilaveko. Bhulisana ni vanathu va va nga rura va ya ka mabanza ya ma ku ni txilaveko. (Mav 15:22) Maha mkombelo ka Jehovha u kombela mkongomiso wakwe. (Jak 1:5) Ku di ni mu u tsakelako ku ya kona lava kuziva a ti ti nga engeteleka ngu wukhalo wonewo. U si se maha txisungo txo rura, pfuxela wukhalo wonewo nga ku ti txi koteka.

XALELA VHIDHIYO YI YI KU NGUKU SUSUMETWA NGU LIKHOLO MAHA TI TI NGA ENGETELEKA KA JEHOVHA —RURA U YA KA WUKHALO AWU WU KU NI TXILAVEKO TXA HOMBE, U GWITA U XAMULA TXIWOTISO TXIYA:

• Ngu yahi malulamiselo ya Gabriel a nga ma maha, ni ku a ti kotisile kutxani toneto?