Nzila yo khumbula tindimana ta Bhiblia

Ina ti ti nga kukaratela kumana ndimana ya Bhiblia ayi u yi dhundako mwendo kukhumbula ati yi wombako tona? Mwendo ndimana ayi yi kuthavelelako, ayi yi kuvhunako kuvayilela mipimiso yo biha, mwendo ndimana ayi u nga txi tsakela kubhulela m’thu mmwani? (Mas. 119:11, 111) Wona timwani ati ti no kuvhuna kukhumbula tindimana ta mu ka Bhiblia.

• Thumisa aha ku ku “Adicionar etiqueta” ka aplikativhu ya JW Library^®. Mbimo yi u leraku Bhiblia ka JW Library se u mana ndimana a yi u tsakelako ku yi khumbula, tsula aha va nga bhala ti to “adicionar etiqueta” se u gwita u ya bhala tiya “tindimana ati ni ti dhundako.” Ka wukhalo wonewo, u na veketela totshe tindimana ati u tsakelako ku ti khumbula.

• Veka m’bhalo ka wukhalo wu ti hehukako ku wu wona. Bhala tindimana ti u lavako ku ti khumbula ka diphepha u di veka ka wukhalo wu ti hehukako ku di wona. Vamwani va veka diphepha donedo ka txibuko, vamwani va nameketa ka ditimba da jilera. Se vamwani va thavisa mfota wa ndimana yoneyo ve wu veka ka ekram ya telefone mwendo ya komputadhori.

• Vana ni txikadhernwana a txi u no bhala ka txona tindimana ti u lavako ku ti khumbula. Ka pajina yo khata bhala ditina da dibhuku, kapitulu ni vhersikulu ya kona. Ka pajina ya wumbidi, bhala ti dibhuku donedo di wombako tona. Se u di gwitile, wona ati ti ku ka pajina yo khata u gwita u zama kukhumbula ati ti ku ka pajina ya wumbidi u sa xolela.