2 Cronicas
19 Unya si Jehosapat nga hari sa Juda mipauli diha sa pakigdait+ ngadto sa iyang kaugalingong balay sa Jerusalem. 2 Si Jehu+ nga anak nga lalaki ni Hanani+ nga bisyonaryo+ miadto sa atubangan niya ug miingon kang Haring Jehosapat: “Ngadto ba sa daotan nga ihatag ang tabang,+ ug ngadto ba sa mga nagadumot+ kang Jehova nga ikaw magbaton ug gugma?+ Ug tungod niini adunay kasuko+ batok kanimo gikan sa atubangan ni Jehova. 3 Bisan pa, adunay maayong+ mga butang nga nakaplagan diha kanimo, tungod kay imong gikuha ang mga sagradong poste gikan sa yuta+ ug imong giandam ang imong kasingkasing sa pagpangita sa matuod nga Diyos.”+
4 Ug si Jehosapat nagpadayon sa pagpuyo sa Jerusalem; ug siya migula pag-usab ngadto sa taliwala sa katawhan sukad sa Beer-seba+ ngadto sa bukirong rehiyon sa Epraim,+ aron iyang madalag balik sila kang Jehova nga Diyos sa ilang mga katigulangan.+ 5 Ug siya nagbutang ug mga maghuhukom sa tibuok nga yuta sa tanang kinutaang mga siyudad sa Juda, sa siyudad ug siyudad.+ 6 Ug siya nagkanayon ngadto sa mga maghuhukom: “Tinoa kon unsa ang inyong buhaton,+ tungod kay dili alang sa tawo nga kamo magahukom kondili alang kang Jehova;+ ug siya magauban kaninyo maylabot sa paghukom.+ 7 Ug karon tugoting ang kalisang+ kang Jehova modangat kaninyo.+ Pag-amping ug lihok kamo,+ kay kang Jehova nga atong Diyos walay pagkadili-matarong+ o pagpihigpihig+ o pagdawat ug hiphip.”+
8 Ug didto sa Jerusalem usab si Jehosapat nagbutang ug pipila sa mga Levihanon+ ug mga saserdote+ ug pipila ka pangulo sa mga balay sa mga amahan+ sa Israel alang sa paghukom+ ni Jehova ug alang sa legal nga mga kaso+ sa mga molupyo sa Jerusalem. 9 Dugang pa, siya naghatag ug sugo kanila, nga nag-ingon: “Ingon niini ang inyong pagabuhaton sa pagkahadlok+ kang Jehova uban ang pagkamatinumanon ug uban ang bug-os nga kasingkasing. 10 Kon bahin sa tanang legal nga kaso nga moabot kaninyo gikan sa inyong mga igsoon nga nagapuyo sa ilang mga siyudad, maylabot sa pag-ula ug dugo,+ maylabot sa balaod+ ug sa sugo+ ug sa mga regulasyon+ ug sa hudisyal nga mga hukom,+ inyong pasidan-an sila aron sila dili makasala batok kang Jehova ug ang kasuko+ dili mahitabo batok kaninyo ug batok sa inyong mga igsoon. Ingon niini ang inyong pagabuhaton aron kamo dili masad-an. 11 Ug ania si Amarias nga pangulong saserdote ibabaw kaninyo alang sa matag butang ni Jehova;+ ug si Zebadias nga anak nga lalaki ni Ismael nga pangulo sa balay sa Juda alang sa matag butang sa hari; ug ingong mga opisyal ang mga Levihanon anaa alang kaninyo. Magmakusganon+ ug lihok kamo, ug si Jehova+ magauban sa kon unsay maayo.”+