Salmo

101 Magaawit ako mahitungod sa mahigugmaong-kalulot ug paghukom.+

Oh Jehova, magaawit ako ug mga pagdayeg kanimo.+

 2 Magagawi ako uban ang pagkamaalamon sa paaging walay-ikasaway.+

Kanus-a ka ba moanhi kanako?+

Magalakaw ako sa integridad sa akong kasingkasing sulod sa akong balay.+

 3 Dili ko ibutang sa atubangan sa akong mga mata ang bisan unsang butang nga walay hinungdan.+

Gidumtan ko ang ginabuhat niadtong mobiya;+

Dili kini magpabilin kanako.+

 4 Ang usa ka kasingkasing nga baliko mopahilayo kanako;+

Dili ko pagailhon ang daotan.+

 5 Si bisan kinsa nga nagabutangbutang sa iyang higala sa tago,+

Pahilomon ko siya.+

Si bisan kinsa nga may mga mata nga mapahitas-on ug may kasingkasing nga mapasigarbohon,+

Dili ko siya maantos.+

 6 Ang akong mga mata magatan-aw sa mga tawong matinumanon sa yuta,+

Aron sila mopuyo uban kanako.+

Ang usa nga nagalakaw sa paaging walay-ikasaway,+

Siya mao ang magaalagad kanako.+

 7 Walay magapuyo sulod sa akong balay nga usa ka malinglahon.+

Si bisan kinsa nga nagasulti ug kabakakan, dili siya lig-on nga matukod+

Sa atubangan sa akong mga mata.+

 8 Matag buntag pahilomon ko ang tanang daotan sa yuta,+

Aron pagalaglagon ang tanang mamumuhat sa butang nga makadaot+ gikan sa siyudad+ ni Jehova.