Ecclesiastes

5 Bantayi ang imong mga tiil+ kon ikaw moadto sa balay sa matuod nga Diyos; ug moduol aron sa pagpamati,+ inay kay sa paghalad ingon sa ginabuhat sa mga hungog,+ kay sila wala masayod nga sila nagabuhat ug daotan.+

2 Ayaw padalidalia ang imong baba; ug bahin sa imong kasingkasing,+ ayaw kini padalidalia pagpagula ug pulong atubangan sa matuod nga Diyos.+ Kay ang matuod nga Diyos atua sa mga langit+ apan ikaw ania sa yuta. Mao nga kinahanglang padiyutayon mo ang imong mga pulong.+ 3 Kay ang usa ka damgo moabot gayod tungod sa kadaghan sa buluhaton,+ ug ang tingog sa usa ka hungog tungod sa kadaghan sa mga pulong.+ 4 Sa dihang ikaw manaad ug panaad ngadto sa Diyos, ayaw pagpanuko sa pagbayad niini,+ kay siya walay kahimuot sa mga hungog.+ Kon unsay imong gipanaad, bayri.+ 5 Mas maayo pa nga dili ka manaad+ kay sa manaad ka ug dili mobayad.+ 6 Ayaw tugoti ang imong baba nga mahimong hinungdan sa pagpakasala sa imong unod,+ ni moingon atubangan sa manulonda+ nga kadto usa ka sayop.+ Nganong masuko man ang matuod nga Diyos tungod sa imong tingog ug magaguba sa buhat sa imong mga kamot?+ 7 Kay tungod sa kadaghan sa buluhaton adunay mga damgo,+ ug adunay mga kakawangan ug daghang pulong. Apan kahadloki ang matuod nga Diyos.+

8 Kon ikaw makakita nga gilupigan ang usa nga diyutayg kahinguhaan ug mapintasong gisakmit ang hustisya+ ug pagkamatarong diha sa usa ka sakop nga distrito, ayaw kahibulong sa maong butang,+ kay ang usa nga labi pang hataas kay sa usa nga hataas+ nagasud-ong,+ ug anaa silang hataas pa kay kanila.

9 Labot pa, ang abot sa yuta anaa kanilang tanan;+ kay sa usa ka uma ang hari gialagaran.+

10 Ang mahigugmaon lamang sa salapi dili matagbaw sa salapi, ni sa kinitaan si bisan kinsa nga mahigugmaon sa bahandi.+ Kini usab kakawangan.+

11 Sa dihang ang maayong mga butang modaghan, kadtong magakaon niana tinong modaghan.+ Ug unsay kapuslanan niana sa dakong tag-iya, gawas sa pagtan-aw niana sa iyang mga mata?+

12 Matam-is ang pagkatulog+ sa usa nga nagaalagad, walay sapayan kon diyutay o daghan ang iyang gikaon; apan ang kadagaya sa dato dili magpakatulog kaniya.

13 Adunay grabeng katalagman nga akong nakita ilalom sa adlaw: ang mga bahandi ginatipigan alang sa ilang dakong tag-iya nga nagadalag katalagman kaniya.+ 14 Ug kadto nga mga bahandi nahanaw+ tungod sa usa ka malisod nga buluhaton, ug siya nahimong amahan sa usa ka anak nga lalaki sa dihang siya wala gayoy bisan unsa diha sa iyang kamot.+

15 Ingon sa iyang paggula gikan sa tiyan sa iyang inahan, hubo siya nga mobiya pag-usab,+ ingon sa iyang pag-abot; ug wala gayoy madala+ niya nga bisan unsa sa iyang kahago, nga madala niya sa iyang kamot.

16 Ug kini usab usa ka grabeng katalagman: ingon gayod sa iyang pag-abot, mao man usab sa iyang pagbiya; ug unsay kaayohan alang kaniya nga nagpadayon sa paghago alang sa hangin?+ 17 Labot pa, sa tanan niyang mga adlaw siya magakaon diha sa kangitngit, uban sa hilabihang kagul-anan,+ ug siya may sakit ug may hinungdan sa kasuko.

18 Tan-awa! Ang labing maayong butang nga akong nakita, nga maanindot, mao nga ang usa mokaon ug moinom ug magpahimulos sa maayo tungod sa tanan niyang kahago+ nga iyang gihagoan ilalom sa adlaw sulod sa daghang adlaw sa iyang kinabuhi nga gihatag sa matuod nga Diyos kaniya, kay mao kana ang iyang bahin. 19 Labot pa, ang tagsatagsa ka tawo nga gihatagan sa matuod nga Diyos ug mga bahandi ug materyal nga mga kabtangan,+ siya naghatag kaniyag kagahom sa pagkaon gikan niini+ ug sa pagkuha sa iyang bahin ug sa pagmaya diha sa iyang kahago.+ Kini mao ang gasa sa Diyos.+ 20 Kay dili niya kanunay nga mahinumdoman ang mga adlaw sa iyang kinabuhi, tungod kay ang matuod nga Diyos nagbuhong kaniya sa pagmaya sa iyang kasingkasing.+