Numeros

2 Si Jehova karon misulti kang Moises ug kang Aaron, nga nag-ingon: 2 “Ang mga anak sa Israel kinahanglang magkampo, ang matag usa sumala sa iyang tulo-ka-tribo nga dibisyon,+ sumala sa mga ilhanan alang sa balay sa ilang mga amahan. Magkampo sila libot sa atubangan sa tolda nga tagboanan.

3 “Ug kadtong magkampo pasidlakan sa dapit sa silangan sa adlaw mao ang tulo-ka-tribo nga dibisyon sa kampo ni Juda sumala sa ilang mga panon, ug ang pangulo alang sa mga anak ni Juda mao si Nason+ nga anak nga lalaki ni Aminadab. 4 Ug ang iyang panon ug ang mga narehistro kanila maoy kapitoag-upat ka libo unom ka gatos.+ 5 Ug kadtong magkampo tupad kaniya mao ang tribo ni Isacar,+ ug ang pangulo alang sa mga anak ni Isacar mao si Netanel+ nga anak nga lalaki ni Zuar. 6 Ug ang iyang panon ug ang iyang mga narehistro maoy kalim-ag-upat ka libo upat ka gatos.+ 7 Ug ang tribo ni Zabulon; ug ang pangulo alang sa mga anak ni Zabulon mao si Eliab+ nga anak nga lalaki ni Helon. 8 Ug ang iyang panon ug ang iyang mga narehistro maoy kalim-ag-pito ka libo upat ka gatos.+

9 “Ang tanang narehistro sa kampo ni Juda maoy usa ka gatos kawaloag-unom ka libo upat ka gatos sumala sa ilang mga panon. Sila ang unang molakaw.+

10 “Ang tulo-ka-tribo nga dibisyon sa kampo ni Ruben+ maoy sa dapit sa habagatan sumala sa ilang mga panon, ug ang pangulo alang sa mga anak ni Ruben mao si Elizur+ nga anak nga lalaki ni Sedeur. 11 Ug ang iyang panon ug ang iyang mga narehistro maoy kap-atag-unom ka libo lima ka gatos.+ 12 Ug kadtong magkampo tupad kaniya mao ang tribo ni Simeon, ug ang pangulo alang sa mga anak ni Simeon mao si Selumiel+ nga anak nga lalaki ni Zurisadai. 13 Ug ang iyang panon ug ang mga narehistro kanila maoy kalim-ag-siyam ka libo tulo ka gatos.+ 14 Ug ang tribo ni Gad; ug ang pangulo alang sa mga anak ni Gad mao si Eliasap+ nga anak nga lalaki ni Reuel. 15 Ug ang iyang panon ug ang mga narehistro kanila maoy kap-atag-lima ka libo unom ka gatos ug kalim-an.+

16 “Ang tanang narehistro sa kampo ni Ruben maoy usa ka gatos ug kalim-ag-usa ka libo upat ka gatos ug kalim-an sumala sa ilang mga panon, ug sila ang ikaduhang molakaw.+

17 “Iniggikan sa tolda nga tagboanan,+ ang kampo sa mga Levihanon+ maoy anha sa taliwala sa mga kampo.

“Ingon sa ilang pagkampo, mao usab ang ilang paggikan,+ ang matag usa anha sa iyang dapit, sumala sa ilang tulo-ka-tribo nga mga dibisyon.

18 “Ang tulo-ka-tribo nga dibisyon sa kampo ni Epraim+ sumala sa ilang mga panon maoy sa dapit sa kasadpan, ug ang pangulo alang sa mga anak ni Epraim mao si Elisama+ nga anak nga lalaki ni Amihud. 19 Ug ang iyang panon ug ang mga narehistro kanila maoy kap-atan ka libo lima ka gatos.+ 20 Ug tupad kaniya mao ang tribo ni Manases,+ ug ang pangulo alang sa mga anak ni Manases mao si Gamaliel+ nga anak nga lalaki ni Pedazur. 21 Ug ang iyang panon ug ang mga narehistro kanila maoy katloag-duha ka libo duha ka gatos.+ 22 Ug ang tribo ni Benjamin;+ ug ang pangulo alang sa mga anak ni Benjamin mao si Abidan+ nga anak nga lalaki ni Gideoni. 23 Ug ang iyang panon ug ang mga narehistro kanila maoy katloag-lima ka libo upat ka gatos.+

24 “Ang tanang narehistro sa kampo ni Epraim maoy usa ka gatos ug walo ka libo usa ka gatos sumala sa ilang mga panon, ug sila ang ikatulong molakaw.+

25 “Ang tulo-ka-tribo nga dibisyon sa kampo ni Dan maoy sa dapit sa amihanan sumala sa ilang mga panon, ug ang pangulo alang sa mga anak ni Dan mao si Ahiezer+ nga anak nga lalaki ni Amisadai. 26 Ug ang iyang panon ug ang mga narehistro kanila maoy kan-umag-duha ka libo pito ka gatos.+ 27 Ug ang magkampo tupad kaniya mao ang tribo ni Aser, ug ang pangulo alang sa mga anak ni Aser mao si Pagiel+ nga anak nga lalaki ni Okran. 28 Ug ang iyang panon ug ang mga narehistro kanila maoy kap-atag-usa ka libo lima ka gatos.+ 29 Ug ang tribo ni Neptali;+ ug ang pangulo alang sa mga anak ni Neptali mao si Ahira+ nga anak nga lalaki ni Enan. 30 Ug ang iyang panon ug ang mga narehistro kanila maoy kalim-ag-tulo ka libo upat ka gatos.+

31 “Ang tanang narehistro sa kampo ni Dan maoy usa ka gatos kalim-ag-pito ka libo unom ka gatos. Sila ang ulahing molakaw+—sumala sa ilang tulo-ka-tribo nga mga dibisyon.”

32 Kini mao ang mga narehistro sa mga anak sa Israel sumala sa balay sa ilang mga amahan; ang tanang narehistro sa mga kampo nga diha sa ilang mga panon maoy unom ka gatos ug tulo ka libo lima ka gatos ug kalim-an.+ 33 Apan ang mga Levihanon wala marehistro+ taliwala sa mga anak sa Israel, ingon sa gisugo ni Jehova kang Moises. 34 Ug ang mga anak sa Israel nagbuhat sumala sa tanang gisugo ni Jehova kang Moises.+ Ingon niana ang ilang pagkampo diha sa ilang tulo-ka-tribo nga mga dibisyon,+ ug ingon niana ang ilang paggikan,+ ang matag usa diha sa iyang banay sumala sa balay sa iyang mga amahan.