2 Unya siya misinggit batok sa halaran pinaagi sa pulong ni Jehova ug miingon: “Oh halaran, halaran, mao kini ang giingon ni Jehova, ‘Tan-awa! Usa ka anak nga lalaki matawo sa balay ni David, kansang ngalan maoy Josias!+ Ug tino nga iyang ihalad ibabaw kanimo ang mga saserdote sa hatag-as nga mga dapit nga naghimog gipaaso nga halad ibabaw kanimo, ug ang mga bukog sa mga tawo iyang sunogon ibabaw kanimo.’”+