3 Ug si Eliasib+ nga hataas nga saserdote ug ang iyang mga igsoong lalaki, ang mga saserdote, mitindog ug gitukod ang Ganghaan sa Karnero.+ Ilang gibalaan kini+ ug gipatindog ang mga pultahan niini; ug hangtod sa Torre sa Mea+ ilang gibalaan kini, hangtod sa Torre ni Hananel.+

6 Ug ang Ganghaan sa Karaang Siyudad+ mao ang giayo ni Joiada nga anak nga lalaki ni Pasea ug ni Mesulam nga anak nga lalaki ni Besodeias; ilang gitaod ang mga sagbayan niini ug unya gipatindog ang mga pultahan niini ug ang mga tarogo niini ug ang mga trangka niini.+

13 Ang Ganghaan sa Walog+ mao ang giayo ni Hanun ug sa mga molupyo sa Zanoa;+ ilang gitukod kini ug unya gipatindog ang mga pultahan niini,+ ang mga tarogo niini+ ug ang mga trangka niini,+ usab usa ka libo ka maniko sa paril hangtod sa Ganghaan sa mga Tapok sa Abo.+