12 magmatngon ka nga dili ka mahikalimot+ kang Jehova, nga nagpagawas kanimo gikan sa yuta sa Ehipto, gikan sa balay sa mga ulipon.

4 Ang bililhong mga butang wala unyay kapuslanan sa adlaw sa mabangis nga kasuko,+ apan ang pagkamatarong magaluwas gikan sa kamatayon.+

28 Ang nagasalig sa iyang mga bahandi​—⁠siya mapukan;+ apan ingon sa mga dahon ang mga matarong molambo.+

5 Gipasiklap mo ba niana ang imong mga mata, nga kana wala may kapuslanan?+ Kay tino nga kana magahimog mga pako alang sa iyang kaugalingon sama nianang sa usa ka agila ug molupad ngadto sa kalangitan.+

19 “Hunong na kamo sa pagtigom ug mga bahandi+ alang kaninyo dinhi sa yuta, diin ang tangkob ug taya magakutkot, ug diin ang mga kawatan magalungkab ug magapangawat.

24 “Walay usa nga mahimong ulipon sa duha ka agalon; kay mahimong dumtan niya ang usa ug higugmaon ang lain,+ o unongan niya ang usa ug tamayon ang lain. Dili kamo mahimong ulipon sa Diyos ug sa Bahandi.+

36 Sa pagkatinuod, unsay kapuslanan sa usa ka tawo nga maangkon ang tibuok kalibotan ug mawad-an sa iyang kalag?+

15 Unya siya miingon kanila: “Bukha kanunay ang inyong mga mata ug pagbantay batok sa tanang matang sa hakog nga pangibog,+ tungod kay bisag ang usa ka tawo adunay kadagaya ang iyang kinabuhi wala magagikan sa mga butang nga iyang gipanag-iya.”+

17 Sugoa ang mga dato+ niini nga sistema sa mga butang nga dili magmapahitas-on sa kaisipan,+ ug magbutang sa ilang paglaom, dili sa walay-kasegurohang bahandi,+ kondili sa Diyos, nga dagayang naghatag kanato sa tanang butang aron atong pagakalipayan;+

16 tungod kay ang tanan nga anaa sa kalibotan+—ang tinguha sa unod+ ug ang tinguha sa mga mata+ ug ang mapagawalong pagpasundayag sa mga kahinguhaan sa kinabuhi sa usa+—wala magagikan sa Amahan, apan nagagikan sa kalibotan.+