20 Dihadiha gibuhat kana ni Moises ug ni Aaron,+ sumala sa gisugo ni Jehova,+ ug iyang giisa ang sungkod ug gihampak ang tubig nga diha sa Suba sa Nilo atubangan sa mga mata ni Paraon ug sa iyang mga alagad,+ ug ang tanang tubig nga diha sa Suba sa Nilo nahimong dugo.+

6 Niana gituy-od ni Aaron ang iyang kamot ibabaw sa mga tubig sa Ehipto, ug ang mga baki nanungha ug milukop sa yuta sa Ehipto.

17 Ug kini ilang gibuhat. Busa gituy-od ni Aaron ang iyang kamot uban ang iyang sungkod ug gihampak ang abog sa yuta, ug ang mga tagnok mihugpa diha sa tawo ug sa mananap. Ang tanang abog sa yuta nahimong mga tagnok sa tibuok yuta sa Ehipto.+

6 Sa ingon gibuhat ni Jehova kining butanga sa pagkasunod adlaw, ug ang tanang matang sa kahayopan sa Ehipto nangamatay;+ apan walay usa sa kahayopan sa mga anak sa Israel ang namatay.

10 Busa sila mikuhag anuos sa tapahan ug mibarog atubangan ni Paraon, ug gisaliyab kini ni Moises paingon sa mga langit, ug nahimo kining mga hubag nga mamuto,+ nga nanubo diha sa tawo ug sa hayop.

23 Busa gituy-od ni Moises ang iyang sungkod paingon sa mga langit; ug si Jehova nagpadalag mga dalugdog ug ulan nga yelo,+ ug ang kalayo mikilab padulong sa yuta, ug si Jehova nagpadayon sa pagpaulan ug ulan nga yelo sa yuta sa Ehipto.

12 Si Jehova karon miingon kang Moises: “Ituy-od+ ang imong kamot ibabaw sa yuta sa Ehipto alang sa mga dulon, aron sila manungha ibabaw sa yuta sa Ehipto ug mokaon sa tanang tanom sa yuta, sa tanan nga nahibilin sa ulan nga yelo.”+

21 Unya si Jehova miingon kang Moises: “Ituy-od ang imong kamot ngadto sa mga langit,+ aron mahitabo ang kangitngit ibabaw sa tibuok yuta sa Ehipto ug ang kangitngit mabatyagan.”

34 O misulay ba ang Diyos sa pag-adto aron sa pagkuhag usa ka nasod alang kaniya gikan sa taliwala sa laing nasod pinaagi sa mga pamatuod,+ pinaagi sa mga ilhanan+ ug mga milagro+ ug pinaagi sa gubat,+ ug pinaagi sa kamot nga kusgan+ ug pinaagi sa tinuy-od nga bukton+ ug uban sa labihan nga pagkamakalilisang+ sama sa tanang gibuhat ni Jehova nga inyong Diyos alang kaninyo didto sa Ehipto atubangan sa imong mga mata?

10 Unya ikaw naghatag ug mga ilhanan ug mga milagro batok kang Paraon ug sa tanan niyang mga alagad ug sa tibuok katawhan sa iyang yuta,+ kay ikaw nahibalo nga sila nagmapangahason+ batok kanila; ug ikaw naghimo ug usa ka ngalan+ alang sa imong kaugalingon ingon niining adlawa.

36 Kining tawhana maoy nagpagawas+ kanila human sa pagbuhat ug mga tilimad-on ug mga ilhanan didto sa Ehipto+ ug sa Pulang Dagat+ ug sa kamingawan sulod sa kap-atan ka tuig.+