8 Igahatag ni Jehova kanimo ang panalangin sa imong tinipigang mga abot+ ug sa tanan nimong pagabuhaton,+ ug tinong siya magpanalangin kanimo sa yuta nga ihatag kanimo ni Jehova nga imong Diyos.

10 Unya si Azarias+ nga pangulong saserdote sa balay ni Zadok+ miingon kaniya, oo, siya miingon: “Sukad sa ilang pagsugod sa pagdala sa amot+ nganha sa balay ni Jehova adunay pagpangaon ug pagkatagbaw+ ug adunay daghang salin;+ kay si Jehova nagpanalangin sa iyang katawhan,+ ug ang nahibilin mao kining daghan kaayo.”

10 Dad-a ang tanan nga ikapulo+ ngadto sa balay-tipiganan, aron adunay pagkaon sa akong balay;+ ug sulayi ako, palihog, niining bahina,”+ miingon si Jehova sa mga panon, “kon dili ko ba buksan nganha kaninyo ang mga ganghaan sa tubig sa kalangitan+ ug magbubo nganha kaninyo sa panalangin hangtod nga wala nay panginahanglan.”+