9 Pagmaya,+ batan-ong lalaki, sa imong pagkabatan-on, ug tugoti ang imong kasingkasing nga magalipay kanimo sa mga adlaw sa imong pagkabatan-on, ug lakaw sa mga dalan sa imong kasingkasing ug sa mga butang nga makita sa imong mga mata.+ Apan hibaloi nga tungod niining tanan ang matuod nga Diyos magdala kanimo ngadto sa paghukom.+

36 Sultihan ko kamo nga ang matag pulong nga walay pulos nga ginasulti sa mga tawo, sila manubag+ bahin niini sa Adlaw sa Paghukom;

2 Hinuon walay bisan unsa nga gitakpan nga maampingon nga dili igabutyag, ug tinago nga dili mahibaloan.+

31 Tungod kay siya nakatakda na ug adlaw aron iyang pagahukman+ ang gipuy-ang yuta subay sa pagkamatarong pinaagi sa usa ka tawo nga iyang gitudlo, ug siya naghatag ug garantiya ngadto sa tanang tawo sa pagkaagi nga siya nagbanhaw+ kaniya gikan sa mga patay.”

5 Busa ayaw hukmi+ ang bisan unsa sa dili pa ang takdang panahon, hangtod nga moabot ang Ginoo,+ nga maoy magdala sa tinagong mga butang sa kangitngit ngadto sa kahayag+ ug magpadayag sa mga katuyoan sa mga kasingkasing,+ ug unya ang matag usa magadawat ug pagdayeg gikan sa Diyos.+

10 Kay kinahanglan nga kitang tanan mapadayag atubangan sa lingkoranan-sa-paghukom ni Kristo,+ aron ang matag usa makadawat sa iyang ganti alang sa mga butang nga nabuhat pinaagi sa lawas, sumala sa mga butang nga iyang gibuhat, kini maayo man o mangil-ad.+

24 Ang mga sala sa pipila ka tawo dayag sa kadaghanan,+ nga motultol dayon sa paghukom, apan mahitungod sa ubang tawo ang ilang mga sala madayag usab sa ulahi.+