13 “Kon pananglit usa ka manalagna+ o usa ka magdadamgo+ sa damgo motindog sa imong taliwala ug maghatag kanimo ug ilhanan o tilimad-on,+

14 Ug si Jehova miingon kanako: “Ang mga manalagna nanagna ug kabakakan sa akong ngalan.+ Ako wala magpadala kanila, ni ako nagsugo kanila o nagsulti kanila.+ Usa ka bakak nga panan-awon ug pagpanag-an ug usa ka butang nga walay-bili+ ug ang pagkamalinglahon sa ilang kasingkasing ilang gipanagna kaninyo.+

21 “Wala ako magpadala sa mga manalagna, apan sila midagan. Wala ako magsulti kanila, apan sila nanagna.+

15 “‘Kay wala ako magpadala kanila,’ mao ang giingon ni Jehova, ‘apan sila sa binakak nanagna sa akong ngalan, aron patibulaagon ko kamo,+ ug kamo mangalaglag,+ kamo ug ang mga manalagna nga nanagna kaninyo.’”+

31 “Pagsugo ngadto sa tanang nadestiyero nga katawhan,+ nga magaingon, ‘Mao kini ang giingon ni Jehova mahitungod kang Semaias sa Nehelam: “Tungod kay si Semaias nanagna kaninyo, apan ako wala magpadala kaniya, ug iyang gipasalig kamo sa kabakakan,+

3 Mao kini ang giingon sa Soberanong Ginoong Jehova: “Alaot ang hungog+ nga mga manalagna, nga nagasunod sa ilang kaugalingong espiritu,+ sa dihang sila walay bisan unsang nakita!+

3 Ug mahitabo gayod nga kon ang usa ka tawo managna pa gihapon, ang iyang amahan ug ang iyang inahan, ang mga nanganak kaniya, magaingon usab kaniya, ‘Dili ka mabuhi, tungod kay ikaw nagasulti sa kabakakan sa ngalan ni Jehova.’ Ug ang iyang amahan ug ang iyang inahan, ang mga nanganak kaniya, magadunggab kaniya tungod sa iyang pagpanagna.+

26 “Alaot, sa dihang ang tanang tawo mosulti ug maayo bahin kaninyo, kay ang mga butang nga ingon niini ang gibuhat sa ilang mga katigulangan ngadto sa mini nga mga manalagna.+