20 hangtod nga kahatagan na ni Jehova ug pahulay ang inyong mga igsoon, ingon man kamo, ug sila usab makapanag-iya na sa yuta nga gihatag kanila ni Jehova nga inyong Diyos tabok sa Jordan; human niana kamo mamalik, ang matag usa ngadto sa iyang napanag-iya nga akong gihatag kaninyo.’+

37 ‘Ania, ako magatigom kanila gikan sa tanang kayutaan nga patibulaagan ko kanila tungod sa akong kasuko ug sa akong kaaligutgot ug sa akong dakong kasuko;+ ug dad-on ko silag balik niining dapita ug papuy-on sila sa kasegurohan.+

11 Ug ang mga anak sa Juda ug ang mga anak sa Israel pagatigomon sa tingob+ ug sila magbutang ug usa ka pangulo alang kanila ug manungas gikan sa yuta,+ kay dako unya ang adlaw ni Jezreel.+

14 Ug tigomon ko pagbalik ang mga binihag sa akong katawhang Israel,+ ug tukoron nila ang mga biniyaang siyudad ug pagapuy-an kini,+ ug magtanom ug mga parasan ug mag-inom sa bino niini, ug maghimog mga tanaman ug magkaon sa bunga niini.’+

20 Nianang panahona pasudlon ko kamo, sa panahon gayod nga tigomon ko kamo. Kay kamo himoon ko nga usa ka ngalan ug usa ka pagdayeg taliwala sa tanang mga katawhan sa yuta, sa dihang tigomon ko pagbalik ang mga nabihag kaninyo atubangan sa inyong mga mata,” miingon si Jehova.+