10 Ang setro dili mobiya gikan kang Juda,+ ni ang sungkod sa komandante gikan sa taliwala sa iyang mga tiil, hangtod nga moabot si Shilo;+ ug kaniya ang pagkamasinugtanon sa mga katawhan maiya.+

6 Kay adunay usa ka bata nga natawo alang kanato,+ adunay usa ka anak nga lalaki nga gihatag kanato;+ ug ang prinsipenhong pagmando mahipatong sa iyang abaga.+ Ug ang iyang ngalan pagatawgon nga Kahibulongang Magtatambag,+ Diyos nga Gamhanan,+ Amahang Walay Kataposan,+ Prinsipe sa Pakigdait.+

5 “Tan-awa! Ang mga adlaw moabot,” mao ang giingon ni Jehova, “ug ako magpatindog alang kang David ug usa ka matarong nga turok.+ Ug usa ka hari magamando+ ug molihok uban ang pagkamaalamon ug magpahamtang ug hustisya ug pagkamatarong diha sa yuta.+

32 Kini siya mahimong bantogan+ ug pagatawgong Anak sa Labing Hataas;+ ug ihatag kaniya ni Jehova nga Diyos ang trono+ ni David nga iyang amahan,+