11 Ug mahitabo nianang adlawa nga si Jehova motunol pag-usab sa iyang kamot, sa ikaduhang higayon,+ aron kuhaon ang nahibilin sa iyang katawhan nga mahibilin gikan sa Asirya+ ug gikan sa Ehipto+ ug gikan sa Patros+ ug gikan sa Cus+ ug gikan sa Elam+ ug gikan sa Sinar+ ug gikan sa Hamat ug gikan sa kapuloan sa dagat.+

10 “Ug kon bahin kanimo, ayaw kahadlok, Oh akong alagad nga Jacob,” mao ang giingon ni Jehova, “ug ayaw kalisang, Oh Israel.+ Kay ania, ako magaluwas kanimo gikan sa halayo ug sa imong kaliwat gikan sa yuta sa ilang pagkabinihag.+ Ug si Jacob tino nga mobalik ug mahigawas sa kasamok ug maanaa sa kahayahay, ug walay bisan kinsa nga magapakurog.”+

37 ‘Ania, ako magatigom kanila gikan sa tanang kayutaan nga patibulaagan ko kanila tungod sa akong kasuko ug sa akong kaaligutgot ug sa akong dakong kasuko;+ ug dad-on ko silag balik niining dapita ug papuy-on sila sa kasegurohan.+

42 “‘Ug kamo makaila gayod nga ako mao si Jehova,+ sa dihang dad-on ko kamo ngadto sa yuta sa Israel,+ ngadto sa yuta nga giisa ko ang akong kamot sa pagpanumpa nga ihatag sa inyong mga katigulangan.

13 Ug pagawason ko sila+ gikan sa mga katawhan ug tigomon ko sila gikan sa kayutaan ug dad-on ko sila ngadto sa ilang yuta+ ug pakan-on ko sila sa ibabaw sa kabukiran sa Israel, daplin sa kasapaan ug sa tanang puloy-anang mga dapit sa yuta.+

24 Ug kuhaon ko kamo gikan sa kanasoran ug tigomon ko kamo gikan sa tanang kayutaan ug dad-on ko kamo ngadto sa inyong yuta.+

12 Busa panagna, ug sultihi sila, ‘Mao kini ang giingon sa Soberanong Ginoong Jehova: “Ania, buksan ko ang inyong mga lubnganan,+ ug pagulaon ko kamo gikan sa inyong mga lubnganan, Oh akong katawhan, ug dad-on ko kamo sa yuta sa Israel.+

14 Ug tigomon ko pagbalik ang mga binihag sa akong katawhang Israel,+ ug tukoron nila ang mga biniyaang siyudad ug pagapuy-an kini,+ ug magtanom ug mga parasan ug mag-inom sa bino niini, ug maghimog mga tanaman ug magkaon sa bunga niini.’+