3 “Ug tapokon ko ang nahibilin sa akong mga karnero gikan sa tanang kayutaan nga didto gipatibulaag ko sila,+ ug ako magadala kanila balik sa ilang sibsibanan,+ ug sila tinong magmabungahon ug modaghan.+

14 Ug akong itugot nga makaplagan ninyo,’+ mao ang giingon ni Jehova. ‘Ug tigomon ko ang hugpong sa inyong mga binihag ug tapokon kamo gikan sa tanang kanasoran ug gikan sa tanang dapit diin gipatibulaag ko kamo,’+ mao ang giingon ni Jehova. ‘Ug dad-on ko kamog balik sa dapit nga gikan didto gipadestiyero ko kamo.’+

10 “Ug kon bahin kanimo, ayaw kahadlok, Oh akong alagad nga Jacob,” mao ang giingon ni Jehova, “ug ayaw kalisang, Oh Israel.+ Kay ania, ako magaluwas kanimo gikan sa halayo ug sa imong kaliwat gikan sa yuta sa ilang pagkabinihag.+ Ug si Jacob tino nga mobalik ug mahigawas sa kasamok ug maanaa sa kahayahay, ug walay bisan kinsa nga magapakurog.”+

25 “Busa mao kini ang giingon sa Soberanong Ginoong Jehova, ‘Karon mao ang panahon nga dad-on ko pagbalik ang mga binihag nga iya ni Jacob+ ug kaluy-an ang tibuok balay sa Israel;+ ug ako magpakitag bug-os nga pagkamahinalaron alang sa akong balaang ngalan.+

14 Ug tigomon ko pagbalik ang mga binihag sa akong katawhang Israel,+ ug tukoron nila ang mga biniyaang siyudad ug pagapuy-an kini,+ ug magtanom ug mga parasan ug mag-inom sa bino niini, ug maghimog mga tanaman ug magkaon sa bunga niini.’+

20 Nianang panahona pasudlon ko kamo, sa panahon gayod nga tigomon ko kamo. Kay kamo himoon ko nga usa ka ngalan ug usa ka pagdayeg taliwala sa tanang mga katawhan sa yuta, sa dihang tigomon ko pagbalik ang mga nabihag kaninyo atubangan sa inyong mga mata,” miingon si Jehova.+