113 Dayega ninyo si Jah!+

Ihatag ang pagdayeg, Oh kamong mga alagad ni Jehova,+

Dayega ang ngalan ni Jehova.+

 2 Dayegon unta ang ngalan ni Jehova+

Sukad karon ug hangtod sa panahong walay tino.+

 3 Gikan sa sidlakan hangtod sa kasadpan+

Ang ngalan ni Jehova pagadayegon.+

 4 Si Jehova nahimong hataas ibabaw sa tanang kanasoran;+

Ang iyang himaya maoy ibabaw sa kalangitan.+

 5 Kinsa ang sama kang Jehova nga atong Diyos,+

Siya nga nagapuyo sa kahitas-an?+

 6 Siya nagapaubos aron sa pagtan-aw sa langit ug sa yuta,+

 7 Nga nagabangon sa timawa gikan sa abog;+

Ginabayaw niya ang kabos gikan sa gahong sa abo,+

 8 Aron sa pagpalingkod kaniya uban sa mga hamili,+

Uban sa mga hamili sa iyang katawhan.+

 9 Siya nagapapuyo sa babayeng apuli diha sa usa ka balay+

Ingon nga usa ka inahan nga malipayon nga may mga anak.+

Dayega ninyo si Jah!+