-
Salmo 22:superskripsiyon-31Bag-ong Kalibotang Hubad sa Balaang Kasulatan
-
-
Ngadto sa direktor sa Bayeng Osa sa Kaadlawon. Usa ka salmo ni David.
22 Diyos ko, Diyos ko, nganong gibiyaan mo ako?+
Nganong halayo ka gikan sa pagluwas kanako,+
Gikan sa mga pulong sa akong pag-agulo?+
2 Oh Diyos ko, ako nagtawag kanunay sa maadlaw, ug wala ka motubag;+
Ug sa magabii, ug wala ako magahilom.+
4 Diha kanimo misalig ang among mga amahan;+
Sila misalig, ug kanunay mo silang gitagan-an ug kaikyasan.+
5 Nganha kanimo sila mituaw,+ ug sila naluwas;+
Diha kanimo sila misalig, ug sila wala modangat sa kaulawan.+
7 Kadtong tanan nga nakakita kanako, sila nagyubit kanako;+
Ginabuka nila pag-ayo ang ilang mga baba, ginalingolingo nila ang ilang ulo:+
8 “Iyang gitugyan ang iyang kaugalingon kang Jehova.+ Tagan-an unta Niya siyag kaikyasan!+
Luwason unta niya siya, sanglit siya nahimuot man kaniya!”+
9 Kay ikaw mao ang Usa nga nagpagula kanako gikan sa tiyan,+
Ang Usa nga naghimo kanako nga mosalig samtang diha pa sa mga suso sa akong inahan.+
10 Gikan sa tagoangkan gitugyan na ako kanimo;+
Gikan sa tiyan sa akong inahan ikaw mao na ang akong Diyos.+
13 Gibuka nila ang ilang baba batok kanako,+
Ingon sa usa ka leyon nga nagakuniskunis ug nagangulob.+
Ug ang tanan kong kabukogan nangalisa.+
Ang akong kasingkasing nahimong sama sa talo;+
Kini natunaw sa kinahiladman sa kahiladman nakong mga bahin.+
15 Ang akong kusog nauga sama sa bika,+
Ug ang akong dila mitapot sa akong mga lagos;+
Ug sa abog sa kamatayon gipahimutang mo ako.+
16 Kay gilibotan ako ug mga iro;+
Gilikosan ako sa panon sa mga mamumuhat ug daotan.+
Ingon sa usa ka leyon sila nagapaak sa akong mga kamot ug mga tiil.+
20 Luwasa ang akong kalag gikan sa espada,+
Ang akong bugtong nga kalag gikan sa kuyamas sa iro;+
21 Luwasa ako gikan sa baba sa leyon,+
Ug gikan sa mga sungay sa mga ihalas nga torong baka tubaga ug luwasa gayod ako.+
22 Ipahayag ko ang imong ngalan+ ngadto sa akong mga igsoon;+
Sa taliwala sa kongregasyon pagadayegon ko ikaw.+
23 Kamong nangahadlok kang Jehova, dayega ninyo siya!+
Kamong tanan nga binhi ni Jacob, himayaa siya!+
Ug kahadloki ninyo siya, kamong tanan nga binhi sa Israel.+
Ni dumti ang kasakitan sa sinakit;+
Ug wala niya itago ang iyang nawong gikan kaniya,+
Ug sa dihang siya mituaw kaniya aron sa pagpakitabang siya namati.+
25 Gikan kanimo ang akong pagdayeg moabot diha sa dakong kongregasyon;+
Ang akong mga panaad pagabayran ko sa atubangan nilang nangahadlok kanimo.+
26 Ang mga maaghop mokaon ug mangatagbaw;+
Kadtong nagapangita kaniya modayeg kang Jehova.+
Mabuhi unta ang inyong mga kasingkasing hangtod sa kahangtoran.+
27 Ang tanang kinatumyan sa yuta mahinumdom ug mobalik kang Jehova.+
Ug ang tanang kabanayan sa mga nasod moyukbo sa imong atubangan.+
29 Ang tanang matambok sa yuta magakaon ug moyukbo;+
Kadtong tanan nga manganaog ngadto sa abog moyukbo sa iyang atubangan,+
Ug walay usa nga arang makatipig nga buhi sa iyang kaugalingong kalag.+
-
-
Isaias 53:1-12Bag-ong Kalibotang Hubad sa Balaang Kasulatan
-
-
53 Kinsa ang nagbutang ug pagtuo sa butang nga among nadungog?+ Ug kon bahin sa bukton ni Jehova,+ kang kinsa kini gipadayag?+ 2 Ug siya moturok sama sa usa ka gamayng sanga+ atubangan sa usa, ug sama sa usa ka gamot gikan sa walay-tubig nga yuta. Wala siyay kaambong, ni bisan unsang kahalangdon;+ ug sa dihang makita nato siya, wala diha ang dagway aron siya atong pagatinguhaon.+
3 Siya gitamay ug gilikayan sa mga tawo,+ usa ka tawo nga alang sa mga kasakit ug sa pagsinatig sakit.+ Ug dihay samag pagtago sa nawong sa usa gikan kanato.+ Siya gitamay, ug atong giisip siya ingong walay hinungdan.+ 4 Sa pagkatinuod ang atong mga sakit mao ang iyang gidala;+ ug kon bahin sa atong mga kasakit, iyang gipas-an kini sila.+ Apan kita nag-isip kaniya ingong hinampak,+ binunalan sa Diyos+ ug sinakit.+ 5 Apan siya gidughang+ tungod sa atong kalapasan;+ siya gidugmok tungod sa atong mga kasaypanan.+ Ang pagkastigo nga alang sa atong kalinaw diha ibabaw niya,+ ug tungod sa iyang mga samad+ dihay pagpang-ayo alang kanato.+ 6 Sama sa mga karnero kitang tanan nahisalaag;+ ang tagsatagsa kanato miliso sa iyang kaugalingong dalan; ug gipahinabo ni Jehova nga ang sala natong tanan mahinagbo niya.+ 7 Siya gipit-os pag-ayo,+ ug iyang gitugotan nga siya sakiton;+ apan wala niya bukha ang iyang baba. Siya gidala sama gayod sa usa ka karnero aron pagaihawon;+ ug sama sa usa ka bayeng karnero nga atubangan sa iyang mga tigtupi naamang, siya usab wala mobuka sa iyang baba.+
8 Tungod sa pagkapinugngan ug sa paghukom siya gikuha;+ ug kinsa ang magatagad bisan sa mga detalye sa iyang kaliwatan?+ Kay siya gibulag+ gikan sa yuta sa mga buhi.+ Tungod sa kalapasan+ sa akong katawhan siya gihampak.+ 9 Ug iyang himoon ang iyang lubnganan nga uban mismo sa mga daotan,+ ug ang iyang kamatayon uban sa mga dato,+ bisan pa nga siya wala makabuhat ug kapintasan+ ug walay panglimbong sa iyang baba.+
10 Apan si Jehova may kahimuot sa pagdugmok kaniya;+ siya naghimo kaniyang masakiton.+ Kon imong himoon ang iyang kalag nga usa ka halad-sa-pagkasad-an,+ iyang makita ang iyang kaliwat,+ iyang mapalugwayan ang iyang mga adlaw,+ ug diha sa iyang kamot molampos+ ang gikahimut-an ni Jehova.+ 11 Tungod sa kasakitan sa iyang kalag siya makakita,+ siya matagbaw.+ Pinaagi sa iyang kahibalo ang matarong, ang akong alagad,+ magdalag matarong nga pagbarog sa daghang tawo;+ ug ang ilang kasaypanan iya mismong pas-anon.+ 12 Tungod niana hatagan ko siya ug usa ka bahin uban sa daghan,+ ug uban sa mga gamhanan iyang bahinbahinon ang inagaw sa gubat,+ gumikan sa iyang pagbubo sa iyang kalag ngadto gayod sa kamatayon,+ ug siya giisip nga kauban sa mga malapason;+ ug siya nagpas-an sa sala mismo sa daghang tawo,+ ug siya nagpataliwala alang sa mga malapason.+
-