31 Busa gikuha nila ang taas nga besti ni Jose ug nag-ihaw silag laking kanding ug gituslob ang besti sa dugo. 32 Dayon ilang gipadala ang espesyal nga besti ngadto sa ilang amahan uban niini nga mensahe: “Nakit-an namo kini. Palihog tan-awa kon kini ba ang espesyal nga besti sa imong anak.”+ 33 Gisusi niya kini ug miingon: “Mao ni ang espesyal nga besti sa akong anak! Lagmit gikaon siyag bangis nga mananap! Seguradong gikuniskunis si Jose!” 34 Ug gigisi ni Jacob ang iyang besti ug nagtapis siyag sakong panapton sa iyang hawak ug nagbangotan sa iyang anak sulod sa daghang adlaw.