8 Dayon gihimo ni Bezalel ang tabon sa dughan+ nga gibordahan sab parehas sa epod. Hinimo kini sa bulawan, asul nga hilo, purpura nga delana, hayag-pula nga hilo, ug maayong klase nga linubid nga lino.+ 9 Kuwadrado kini kon pil-on. Gihimo nila ang tabon sa dughan nga, kon pil-on, tag-usa ka dangaw* ang gitas-on ug ang gilapdon. 10 Gibutangan nila kinig upat ka laray sa mga bato. Sa unang laray: rubi, topasyo, ug esmeralda. 11 Sa ikaduhang laray: turquesa, sapiro, ug haspe. 12 Sa ikatulong laray: batong leshʹem,* agata, ug amatista. 13 Ug sa ikaupat nga laray: krisolito, onyx, ug jade. Gibutang nila kini sa mga enggaste nga bulawan. 14 Ang mga bato mitugbang sa ngalan sa 12 ka anak nga lalaki ni Israel. Ang matag ngalan gikulit nga samag selyo, nga ang matag ngalan nagrepresentar sa usa sa 12 ka tribo.