15 Unya naghimo silag kadena nga purong bulawan palibot sa tabon sa dughan, nga samag linubid nga pisi.+ 16 Ug naghimo silag duha ka enggaste nga bulawan ug duha ka argolya* nga bulawan, ug gitaod nila ang duha ka argolya diha sa duha ka kanto sa ibabawng bahin sa tabon sa dughan. 17 Human niana ilang gitaod ang tumoy sa duha ka pisi nga bulawan diha sa duha ka argolya sa mga kanto sa ibabawng bahin sa tabon sa dughan. 18 Dayon ilang gitaod ang pikas tumoy sa duha ka pisi diha sa duha ka enggaste nga naa sa mga hapin sa abaga, sa atubangan sa epod.