4 kay si Jehova nga inyong Diyos nagauban kaninyo aron makig-away para ninyo batok sa inyong mga kaaway ug aron luwason mo.’+

11 Samtang nangikyas sila gikan sa Israel ug naa sila sa lugsongong dapit sa Bet-horon, gipaulanan sila ni Jehova ug dagkong yelo hangtod sa Azeka ug sila nangamatay. Mas daghan pa gani ang namatay sa ulan nga yelo kay sa napatay sa mga Israelinhon pinaagig espada.

12 Niadtong higayona, sa adlaw nga gitugyan ni Jehova ang mga Amorihanon atubangan sa mga Israelinhon, si Josue miingon kang Jehova atubangan sa Israel:

13 Busa ang adlaw mipondo ug ang bulan wala moirog hangtod nga nakapanimalos ang nasod sa iyang mga kaaway. Wala ba kini masulat sa basahon ni Jasar?+ Ang adlaw nagpondo sa tunga sa langit ug wala mosalop sa tibuok adlaw. 14 Wala pa sukad mahitabo ug wala na mahitabo pag-usab nga si Jehova namati sa tingog sa tawo+ sa maong paagi, kay si Jehova nakig-away para sa Israel.+

40 Gipildi ni Josue ang tanang yuta sa kabukiran, ang Negeb, Sepela,+ ug ang mga bakilid ug ang mga hari niini. Wala siyay gibiling buhi. Gilaglag niya ang tanang tawo+ sumala sa gisugo ni Jehova nga Diyos sa Israel.+

42 Napildi ni Josue kining tanang hari ug ang ilang yuta sa usa lang ka pag-atake, kay si Jehova nga Diyos sa Israel mao ang nakig-away para sa Israel.+