21 Apan si Jael nga asawa ni Heber nagkuhag ugsok nga pangtolda ug maso. Unya samtang si Sisera nahinanok sa kakapoy, si Jael mihinayhinayg duol* ug ang ugsok gidukdok niya sa tampihak ni Sisera ug milapos kini ug midulot sa yuta, mao nga siya namatay.+

22 Unya miabot si Barak nga naggukod kang Sisera, ug gisugat siya ni Jael ug giingnan: “Dali, akong ipakita nimo ang tawo nga imong gipangita.” Busa misulod siya sa tolda uban ni Jael ug nakita niya si Sisera nga naghigda nga patay na ug may ugsok nga milubong sa iyang tampihak.