19 Dayon ang espiritu ni Jehova naghatag niyag kusog,+ ug siya milugsong sa Askelon+ ug gipatay ang 30 ka lalaki. Gikuha niya ang ilang mga besti ug gihatag ngadto sa mga nakatubag sa tigmo.+ Suko kaayo siyang miuli sa balay sa iyang amahan.

7 Unya giingnan sila ni Samson: “Kay inyo man ning gibuhat, di ko mohunong hangtod nga makapanimalos ko ninyo.”+ 8 Ug gitagsatagsa niya silag patay, ug daghan kaayo siyag napatay. Dayon siya milakaw ug mipuyo sa usa ka langob* diha sa pangpang nga gitawag ug Etam.

15 Karon nakakita siyag bukog sa apapangig sa asno nga bag-o pang namatay; iya kining gikuha ug gigamit sa pagpatay sa 1,000 ka lalaki.+ 16 Unya si Samson miingon:

“Pinaagi sa bukog sa apapangig sa asno—usa ka pundok, duha ka pundok!

Pinaagi sa bukog sa apapangig sa asno nakapatay kog 1,000 ka lalaki.”+