Watchtower ONLINE NGA LIBRARYA

1 Samuel 28:4

Bag-ong Kalibotang Hubad sa Balaang Kasulatan
- 4 Ang mga Filistehanon nagtigom ug nagkampo sa Sunem.+ Busa gitigom ni Saul ang tibuok Israel, ug sila nagkampo sa Gilboa.+

2 Samuel 1:21

Bag-ong Kalibotang Hubad sa Balaang Kasulatan
- 21 Kamong kabukiran sa Gilboa,+
  Wala untay yamog o ulan nga modangat kaninyo,
  Wala untay kaumahan nga magpatunghag mga bunga nga ikahalad sa Diyos,+
  Kay didto nahugawan ang taming sa mga gamhanan,
  Ang taming ni Saul wala na madihogi ug lana.

1 Cronicas 10:1-5

Bag-ong Kalibotang Hubad sa Balaang Kasulatan
- 10 Karon ang mga Filistehanon nakig-away sa Israel. Ug ang mga lalaki sa Israel nangalagiw gikan sa mga Filistehanon, ug daghan ang napatay didto sa Bukid sa Gilboa.+ 2 Gigukod sa mga Filistehanon si Saul ug ang iyang mga anak, ug gipatay sa mga Filistehanon si Jonatan, Abinadab, ug Malki-sua,+ nga mga anak ni Saul. 3 Migrabe ang pagpakig-away batok kang Saul ug nakit-an siya sa mga magpapana, ug siya gisamdan nila.+ 4 Unya si Saul miingon sa tigdala sa iyang hinagiban: “Ibta ang imong espada ug duslaka ko, aron dili moanhi kining mga dili tinuli ug paantoson+ ko.” Apan midumili ang tigdala sa iyang hinagiban kay nahadlok siya pag-ayo. Busa gikuha ni Saul ang espada ug giunay ang iyang kaugalingon.+ 5 Pagkakita sa tigdala sa hinagiban ni Saul nga siya patay na, siya usab nag-unay sa iyang kaugalingon gamit ang iyang espada ug namatay.