18 Unya si Micaias miingon: “Busa paminawa ang pulong ni Jehova: Nakita nako si Jehova nga naglingkod sa iyang trono+ ug ang tanang panon sa kalangitan+ nagbarog diha sa iyang tuo ug sa iyang wala.+ 19 Unya si Jehova miingon, ‘Kinsay mohaylo kang Haring Ahab sa Israel aron siya mosulong ug mapukan sa Ramot-gilead?’ Managlahi ang giingon sa matag usa. 20 Unya dihay anghel*+ nga miduol sa atubangan ni Jehova ug miingon, ‘Ako ang mohaylo kaniya.’ Gipangutana siya ni Jehova, ‘Unsa may imong himoon?’ 21 Siya mitubag, ‘Moadto ko ug akong ipahinabo nga bakak ang isulti* sa tanan niyang propeta.’ Busa siya miingon, ‘Ikaw ang mohaylo kaniya ug ikaw molampos gayod. Lakaw ug buhata kana.’ 22 Ug karon gipahinabo ni Jehova nga mosultig bakak kining* imong mga propeta,+ apan si Jehova nagpahayag nga modangat kanimo ang katalagman.”

6 Unya miabot ang adlaw nga ang mga anak sa matuod nga Diyos*+ misulod aron moatubang kang Jehova,+ ug si Satanas+ misulod usab uban kanila.+

9 “Nagpadayon ko sa pagtan-aw hangtod nga dunay mga trono nga gibutang ug ang Karaan sa mga Adlaw+ milingkod.+ Ang iyang besti sama ka puti sa niyebe,+ ug ang buhok sa iyang ulo samag hinlo nga balhibo sa karnero. Ang iyang trono maoy mga siga sa kalayo; ang mga ligid niini maoy nagdilaab nga kalayo.+ 10 Dunay sapa nga kalayo nga nagaagos gikan sa iyang atubangan.+ Dunay kaliboan ka libo nga nag-alagad kaniya, ug napulo ka libo ka napulo ka libo nga nagtindog sa iyang atubangan.+ Nagsugod na ang Korte,+ ug may mga basahon nga gibuksan.

10 Ayaw gayod ninyo tamaya ang usa niining ubos nga mga tawo, kay sultihan ko kamo, ang ilang mga anghel sa langit kanunayng makaatubang sa akong Amahan nga anaa sa langit.+

11 Ug nakita nako, ug nadungog nako ang tingog sa daghang anghel libot sa trono ug sa buhing mga linalang ug sa mga ansiyano, ug ang ilang gidaghanon maoy mga panon sa mga panon* ug linibo ka libo,+