18 Busa gikuha ni Asa ang tanang plata ug bulawan nga nahibilin sa mga tipiganag bahandi sa balay ni Jehova ug sa mga tipiganag bahandi sa balay* sa hari ug gitugyan kini ngadto sa iyang mga alagad. Unya gipadala kini ni Haring Asa ngadto kang Ben-hadad nga anak ni Tabrimon nga anak ni Hezion, ang hari sa Sirya,+ nga nagpuyo sa Damasco, nga nag-ingon: 19 “Kitang duha dunay kasabotan,* ug duna usay kasabotan ang atong mga amahan. Ako nagpadala kanimog regalo nga plata ug bulawan. Karon bungkaga ang inyong kasabotan* ni Haring Baasa sa Israel, aron moatras siya gikan kanako.”