26 Dihang akong daoton ang suplay* sa tinapay,*+ usa na lang ka hurno ang gamiton sa 10 ka babaye sa paglutog tinapay, dayon bahinbahinon ang inyong tinapay pinaagi sa pagtimbang.+ Makakaon mo apan dili mo mabusog.+

53 Tungod sa grabeng kalisod nga epekto sa paglikos sa inyong mga kaaway, kaonon ninyo ang inyong mga anak,* ang unod sa inyong mga anak nga lalaki ug babaye+ nga gihatag kaninyo ni Jehova nga inyong Diyos.

21 Busa si Haring Zedekias mimando nga si Jeremias ibutang sa Hawanan sa Guwardiya,+ ug ginahatagan siya adlaw-adlaw ug lingin nga tinapay gikan sa dalan sa mga panadero+ hangtod nga nahurot ang tanang tinapay sa siyudad.+ Ug si Jeremias nagpabilin sa Hawanan sa Guwardiya.

2 “Kini ang giingon ni Jehova, ‘Ang magpabilin niining siyudara mamatay sa espada, gutom, ug kamatay.*+ Apan ang mosurender* ngadto sa mga Caldeanhon magpabiling buhi ug mahuptan niya ang iyang kinabuhi ingong inagaw* ug mabuhi.’+

 4 Ang dila sa masuso mitapot sa iyang alingagngag tungod sa kauhaw.

Ang mga bata nangayog tinapay,+ pero walay mihatag nila.+

16 Unya siya miingon kanako: “Anak sa tawo, ania, putlon nako ang suplay sa pagkaon* sa Jerusalem,+ ug uban ang grabeng kabalaka kaonon nila ang ilang rasyon nga tinapay nga tinimbang,+ ug uban ang kalisang imnon nila ang ilang rasyon nga tubig nga tinakos.+

10 “‘“Busa kaonon sa mga amahan nga anaa sa imong taliwala ang ilang mga anak,+ ug kaonon sa mga anak ang ilang mga amahan, ug pahamtangan ka nakog hukom ug ang mahibilin kanimo patibulaagon nako ngadto sa tanang direksiyon.”’*+

12 Ang usa ka bahin kanimo mamatay tungod sa kamatay* o mamatay sa imong taliwala tungod sa gutom. Ang lain pang bahin mapukan sa tanan nimong palibot pinaagi sa espada.+ Ug ang ikatulong bahin patibulaagon nako ngadto sa tanang direksiyon,* ug mohulbot kog espada sa paggukod kanila.+