5 Ayawg yukbo nila o katental sa pag-alagad nila kay ako,+ si Jehova nga imong Diyos, maoy Diyos nga nangayog eksklusibong debosyon.+ Ang silot sa kasaypanan sa mga amahan akong ipahamtang sa mga anak, sa ikatulong henerasyon ug sa ikaupat nga henerasyon niadtong nagdumot nako.

6 Apan kon kamo ug ang inyong mga anak motalikod kanako ug dili ninyo tumanon ang akong mga sugo ug mga lagda nga akong gihatag kaninyo ug moalagad mo sa ubang mga diyos ug moyukbo kanila,+ 7 akong paphaon ang Israel gikan sa nawong sa yuta nga akong gihatag kanila,+ ug ang balay nga gibalaan nako alang sa akong ngalan akong isalikway,+ ug ang Israel mahimong talamayon* ug biaybiayon sa tanang katawhan.+ 8 Ug kining balaya mahimong kagun-oban.+ Ang tanang moagi niini motutok sa kahibulong ug motamay,* ‘Nganong gibuhat kini ni Jehova niining yutaa ug niining balaya?’+ 9 Unya sila moingon, ‘Tungod kini kay sila mibiya kang Jehova nga ilang Diyos, kinsa nagpagawas sa ilang mga katigulangan gikan sa yuta sa Ehipto, ug sila nagbaton ug ubang mga diyos ug nangyukbo ug nag-alagad kanila. Kini ang hinungdan nga gipadangat ni Jehova kanila kining tanan nga katalagman.’”+