23 Human sa taas nga panahon,* namatay ang hari sa Ehipto,+ apan ang mga Israelinhon padayong nag-agulo tungod sa ilang pagkaulipon ug naghilak sa kasakit, ug kanunay silang naghangyog tabang sa matuod nga Diyos.+ 24 Sa ulahi gidungog sa Diyos ang ilang pag-agulo,+ ug nahinumdoman sa Diyos ang iyang pakigsaad kang Abraham, Isaac, ug Jacob.+ 25 Busa gitan-aw sa Diyos ang kahimtang sa mga Israelinhon, ug nakita niya ang ilang pag-antos.

7 Si Jehova midugang: “Nakita gayod nako ang pag-antos sa akong katawhan nga naa sa Ehipto, ug nadungog nako ang ilang pagpangayog tabang tungod niadtong nagpugos kanila sa pagtrabaho; nahibalo gyod ko sa ilang mga kasakit.+