4 Pagkahibalo ni Mardokeo+ sa tanang nahitabo,+ gigisi niya ang iyang besti ug nagsul-ob ug sakong panapton ug nagbutang ug abo. Unya siya miadto sa sentro sa siyudad, nga nagtiyabaw tungod sa grabeng kaguol. 2 Kutob lang siya sa ganghaan sa palasyo sa hari, kay ang magsul-ob ug sakong panapton dili makasulod sa ganghaan. 3 Ug ang mga Hudiyo sa matag probinsiya*+ diin gipahibalo ang pulong ug mando sa hari nagbangotan sa hilabihan, nagpuasa,+ nanghilak, ug nagminatay. Daghan kanila ang nanghigda sa sakong panapton ug abo.+