• Salmo 14:1-7
    Bag-ong Kalibotang Hubad sa Balaang Kasulatan

    • 14 Ang buangbuang* moingon sa iyang kasingkasing:

      “Walay Jehova.”+

      Daotan ang ilang binuhatan, ug dulumtanan ang ilang mga pakiglabot;

      Walay nagbuhat ug maayo.+

       2 Apan gikan sa langit si Jehova nagsud-ong sa mga anak sa mga tawo

      Sa pagsusi kon duna bay si bisan kinsa nga may lawom nga pagsabot, kon duna bay si bisan kinsa nga nangita kang Jehova.+

       3 Silang tanan mitipas;+

      Silang tanan pulos daotan.

      Walay nagbuhat ug maayo,

      Walay bisan usa.

       4 Wala bay usa sa mga mamumuhat ug daotan ang makasabot?

      Ilang gilamoy ang akong katawhan nga daw nagkaon lang silag tinapay.

      Wala sila motawag kang Jehova.

       5 Apan sila malisang pag-ayo,+

      Kay si Jehova nag-uban sa kaliwatan sa mga matarong.

       6 Kamo nga mga mamumuhat ug daotan, gitinguha ninyong pakyason ang mga plano sa timawa,

      Apan si Jehova ang iyang dangpanan.+

       7 Oh maggikan unta sa Zion ang kaluwasan sa Israel!+

      Dihang tigomon ug balik ni Jehova ang nabihag niyang katawhan,

      Maglipay si Jacob, magsadya ang Israel.