6 Unya si Jehova miingon: “Kini nga katawhan nagkahiusa sa pagbuhat niini kay usa lang ang ilang pinulongan.+ Mahimo nila ang bisan unsa nga gusto nilang buhaton. 7 Manaog ta+ ug atong libogon ang ilang pinulongan aron dili na sila magkasinabot.”

19 Si Jose miingon kanila: “Ayaw mog kahadlok. Diyos ba ko nga maghukom ninyo? 20 Bisag gituyo ninyo nga himoan kog daotan,+ gihimo sa Diyos nga maayo ang resulta niini aron maluwas ang kinabuhi sa daghan, sama sa iyang gihimo niining adlawa.+

30 Walay kaalam o katakos sa pag-ila o tambag nga makabarog batok kang Jehova.+

35 Ang tanang nagpuyo sa yuta giisip nga walay bili, ug iyang himoon sa mga panon sa langit ug sa mga namuyo sa yuta ang sumala sa iyang kabubut-on. Ug walay makapugong niya+ o moingon, ‘Unsa ning imong gibuhat?’+

38 Busa tungod niini, sultihan mo nako, ayaw ninyog hilabti kining mga tawhana, hinuon pasagdi lang sila. Kay kon kini nga katuyoan o kini nga buluhaton gikan sa mga tawo, kini mapukan; 39 apan kon kini gikan sa Diyos, dili mo makapukan kanila.+ Kay basin ug nakig-away na mo sa Diyos mismo.”+