15 Ang matag matang sa mananap nga may gininhawa* sa kinabuhi padayong nanulod sa arka nga tinagurha ngadto kang Noe. 16 Busa nanulod ang matag matang sa mananap, laki ug baye, sumala sa gisugo sa Diyos kaniya. Human niana gisirhan ni Jehova ang pultahan.

22 Dayon pagkuha mog usa ka pungpong sa tanom nga hisopo ug ituslob kini sa dugo nga naa sa planggana ug iwisik ang dugo sa ibabaw sa pultahan ug sa duha ka haligi sa pultahan. Kinahanglang walay mogawas sa iyang balay hangtod sa buntag. 23 Dihang moagi na si Jehova sa paghampak sa mga Ehiptohanon ug makita niya ang dugo sa ibabaw sa pultahan ug sa duha ka haligi sa pultahan, labyan gyod ni Jehova ang pultahan, ug dili niya tugotang makasulod sa inyong mga balay ang hampak sa kamatayon.*+

10 Ang ngalan ni Jehova maoy lig-ong torre.+

Didto modagan ang matarong ug siya mapanalipdan.*+