12 Dihang magpuasa sila, dili ko mamati sa ilang mga pangaliyupo,+ ug dihang magtanyag silag mga tibuok halad nga sinunog ug mga halad nga lugas, dili ko malipay niana,+ kay pinaagi sa espada, gutom, ug kamatay,* pamatyon nako sila.”+

2 Ug kon mangutana sila nimo, ‘Asa man mi mangadto?’ tubaga sila, ‘Kini ang giingon ni Jehova:

“Ang para sa makamatay nga hampak, adto sa makamatay nga hampak!

Ang para sa espada, adto sa espada!+

Ang para sa gutom, adto sa gutom!

Ug ang para sa pagkabinihag, adto sa pagkabinihag!”’+