16 Gikuyog ni Johanan nga anak ni Karea ug sa tanang pangulo sa kasundalohan nga uban niya ang tanang nahibilin sa katawhan nga gikan sa Mizpa, nga ilang giluwas gikan kang Ismael nga anak ni Netanias human patya niini si Gedalias+ nga anak ni Ahikam. Gikan sa Gabaon, gidala nila ang mga lalaki, mga sundalo, mga babaye, mga bata, ug ang mga opisyal sa palasyo.

42 Unya ang tanang pangulo sa kasundalohan, si Johanan+ nga anak ni Karea, si Jezanias nga anak ni Hosaia, ug ang tanang katawhan, gikan sa labing ubos ngadto sa labing taas, miduol 2 ug miingon kang propetang Jeremias: “Palihog pamatia ang among hangyo alang sa pabor, ug pag-ampo kang Jehova nga imong Diyos alang kanamo, alang niining tanang nahibilin, kay diyutay na lang mi nga nahibilin,+ sumala sa imong nakita. 3 Hinaot sultihan mi ni Jehova nga imong Diyos sa dalan nga angay namong laktan ug kon unsay angay namong buhaton.”