29 Sa iyang mga adlaw, si Paraon Neko nga hari sa Ehipto miadto sa pagpakigkita sa hari sa Asirya agi sa Suba sa Euprates, ug si Haring Josias migula sa pagpakig-away kaniya; apan pagkakita ni Neko kaniya, iya siyang gipatay didto sa Megido.+ 30 Busa gisakay sa iyang mga alagad ang iyang patayng lawas sa karo gikan sa Megido ug gidala siya sa Jerusalem ug gilubong siya sa iyang lubnganan. Unya gikuha sa katawhan sa yuta si Jehoahaz nga anak ni Josias ug ilang gidihogan siya ug gihimong hari puli sa iyang amahan.+