• Isaias 51:9, 10
    Bag-ong Kalibotang Hubad sa Balaang Kasulatan

    •  9 Pagmata! Pagmata! Sul-obi ang imong kaugalingon ug kusog,

      Oh bukton ni Jehova!+

      Pagmata sama sa mga adlaw nga dugay na kanhi, sama sa miaging mga kaliwatan.

      Dili ba ikaw ang nagdugmok sa Rahab,*+

      Ang nagduslak sa dakong linalang sa dagat?+

      10 Dili ba ikaw ang nagpamala sa dagat, sa lapad ug lawom nga katubigan?+

      Ang usa nga naghimo sa mga kahiladman sa dagat ingong dalan aron makatabok ang mga linukat?+

  • Ezequiel 29:3
    Bag-ong Kalibotang Hubad sa Balaang Kasulatan

    • 3 Isulti kining mga pulonga: ‘Kini ang giingon sa Soberanong Ginoong Jehova:

      “Ania, ako batok kanimo, Paraon nga hari sa Ehipto,+

      Ang dako kaayong linalang sa dagat nga nagpuyo taliwala sa kasapaan sa iyang Nilo,*+

      Kinsa miingon, ‘Ang akong Suba sa Nilo akoa.

      Gibuhat nako kini alang sa akong kaugalingon.’+